Abantu barindwi baguye mu gitero cy'amasasu cyabereye ku ishuri muri Thailand

Nibura abantu barindwi bamaze kwemezwa ko bapfuye, mu gihe abarenga 30 bakomerekeye mu gitero cy'amasasu cyagabwe ku Ishuri rya Debsirin Nonthaburi, riherereye mu nkengero z'umurwa mukuru wa Thailand, Bangkok. Minisitiri w'Intebe wa Thailand, Anutin Charnvirakul, yatangaje ko mu bishwe harimo abarimu batanu ndetse na sekuru na nyirakuru b'umusore w'imyaka 14 ukekwaho kugaba iki gitero. Uwo musore bivugwa ko yabanje kwica abo basaza iwe mu rugo mbere yo kwerekeza ku ishuri, aho yarashe abarimu n'abanyeshuri, nyuma akaza kwiyahura. Abantu barenga 30 bakomerekeye muri icyo gitero, barimo icyend

Nibura abantu barindwi bamaze kwemezwa ko bapfuye, mu gihe abarenga 30 bakomerekeye mu gitero cy'amasasu cyagabwe ku Ishuri rya Debsirin Nonthaburi, riherereye mu nkengero z'umurwa mukuru wa Thailand, Bangkok. Minisitiri w'Intebe wa Thailand, Anutin Charnvirakul, yatangaje ko mu bishwe harimo abarimu batanu ndetse na sekuru na nyirakuru b'umusore w'imyaka 14 ukekwaho kugaba iki gitero. Uwo musore bivugwa ko yabanje kwica abo basaza iwe mu rugo mbere yo kwerekeza ku ishuri, aho yarashe abarimu n'abanyeshuri, nyuma akaza kwiyahura. Abantu barenga 30 bakomerekeye muri icyo gitero, barimo icyenda bakomeretse bikomeye. Polisi yatangaje ko uwagabye igitero yari agifite amasasu arenga 30 igihe yiyahuraga. Abayobozi bavuga ko iki gitero cyateguwe neza, kikaba cyari gifite intego n'umugambi usobanutse. Imbunda ya mm 9 yakoreshejwe yari yanditswe kuri sekuru w'uwo mwana, ndetse amakuru agaragaza ko yari yarigeze kuyerekana ku rubuga rwa Instagram muri Mata uyu mwaka. Iperereza ry'ibanze rigaragaza ko uwo mwana ashobora kuba yari afite ibibazo by'ihungabana n'igitutu cy'amasomo, nubwo impamvu nyakuri y'ubwo bwicanyi itaramenyekana. Abanyeshuri barokotse bavuze ko babonye abarimu baraswa imbere yabo, bamwe bagahunga basimbutse uruzitiro rw'ishuri kugira ngo barokoke. Iki ni igitero cya kabiri kibereye ku ishuri muri Thailand muri uyu mwaka wa 2026, kikaba cyongeye gukomeza impaka ku igenzura ry'ikwirakwizwa ry'imbunda muri iki gihugu, aho n'ubwo hari amategeko azigenga, zikiboneka ku buryo bworoshye. Polisi ya Thailand yavuze ko iperereza rikomeje kugira ngo hamenyekane neza icyateye iki gitero n'ibindi byose byagiteye.