Rwanda: Ikigali hatangiriye inama nyafurika ku ikoranabuhanga mu buvuzi.

Kigali — Abagera  5,900 baturutse mu bihugu bitandukanye bya Afurika bateraniye i Kigali mu nama ya Africa HealthTech Summit 2026, igamije kuganira ku ruhare rw’ikoranabuhanga mu guteza imbere serivisi z’ubuzima ku mugabane wa Afurika. Iyi nama yatangiye ku wa 30 Nzeri 2026, ikazageza ku wa 2 Ukwakira 2026, ikabera muri Kigali Convention Centre. Ihuriza hamwe abayobozi, abahanga mu by’ubuzima, abashakashatsi, abashoramari ndetse n’abakora mu ikoranabuhanga. Muri iyi nama, harakomeza kwibandwa kuby' ubwenge buhangano (AI) n’izindi tekinoloji byakoreshwa mu guteza imbere ubuvuzi, gufasha kumen

Kigali — Abagera  5,900 baturutse mu bihugu bitandukanye bya Afurika bateraniye i Kigali mu nama ya Africa HealthTech Summit 2026, igamije kuganira ku ruhare rw’ikoranabuhanga mu guteza imbere serivisi z’ubuzima ku mugabane wa Afurika. Iyi nama yatangiye ku wa 30 Nzeri 2026, ikazageza ku wa 2 Ukwakira 2026, ikabera muri Kigali Convention Centre. Ihuriza hamwe abayobozi, abahanga mu by’ubuzima, abashakashatsi, abashoramari ndetse n’abakora mu ikoranabuhanga. Muri iyi nama, harakomeza kwibandwa kuby' ubwenge buhangano (AI) n’izindi tekinoloji byakoreshwa mu guteza imbere ubuvuzi, gufasha kumenya indwara hakiri kare no kunoza imitangire ya serivisi z’ubuzima. Insanganyamatsiko y’iyi nama ni “Wellness for All: Powered by Intelligent Health Systems”, isobanura uruhare rwa sisitemu z’ikoranabuhanga zifite ubwenge mu kugeza ubuzima bwiza kuri bose. Abitabiriye kandi baraganira ku ikoreshwa ry’amakuru y’ubuzima, udushya mu buvuzi, ubuvuzi bw’ibanze ndetse no guteza imbere ubushobozi bw’abakozi bashinzwe ibikoresho by’ubuvuzi. U Rwanda ruri mu bihugu bifite uruhare muri ibi biganiro, mu gihe Afurika ikomeje gushaka uburyo ikoranabuhanga ryakoreshwa mu gukemura bimwe mu bibazo bikigaragara muri serivisi z’ubuzima. Iyi nama iteganyijwe gukomeza ibiganiro ku ikoranabuhanga n’ubuzima kugeza ku wa 2 Ukwakira 2026, aho abayitabiriye bazaganira ku buryo ibisubizo by’ikoranabuhanga byakurwa ku rwego rw’imishinga y’igeragezwa bikagera ku baturage benshi. Uwanditse: Rahab Iradukunda.