Abimukira 157 barokowe mu gitondo cyo ku wa Kabiri nyuma y'uko ubwato bari barimo bugerageza kwambuka English Channel bujya mu Bwongereza bufashwe n'inkongi y'umuriro. Ubuyobozi bw'ibikorwa byo gutabara ku nyanja mu Bufaransa bwatangaje ko nta muntu wapfuye cyangwa wakomeretse muri iyo mpanuka. Amakuru avuga ko ubwo bwato bwahagurutse ku nkombe z'u Bufaransa mu ijoro ryo ku wa Mbere. Mu masaha ya mbere y'urugendo, abantu batanu gusa bemeye gutabarwa, mu gihe abandi bakomeje urugendo banga ubufasha kuko bari biyemeje kugera mu Bwongereza. Abashinzwe ubutabazi bavuze ko batashoboye guhita bataba

Abimukira 157 barokowe mu gitondo cyo ku wa Kabiri nyuma y'uko ubwato bari barimo bugerageza kwambuka English Channel bujya mu Bwongereza bufashwe n'inkongi y'umuriro. Ubuyobozi bw'ibikorwa byo gutabara ku nyanja mu Bufaransa bwatangaje ko nta muntu wapfuye cyangwa wakomeretse muri iyo mpanuka.

Amakuru avuga ko ubwo bwato bwahagurutse ku nkombe z'u Bufaransa mu ijoro ryo ku wa Mbere. Mu masaha ya mbere y'urugendo, abantu batanu gusa bemeye gutabarwa, mu gihe abandi bakomeje urugendo banga ubufasha kuko bari biyemeje kugera mu Bwongereza. Abashinzwe ubutabazi bavuze ko batashoboye guhita batabara bose kubera ubwoba ko ubwato bwari bworoshye kandi bwuzuye abantu bwashoboraga kumeneka.

Mu gitondo cyo ku wa Kabiri ni bwo moteri y'ubwo bwato yafashwe n'inkongi, bituma butangira gusenyuka vuba. Icyo gihe, amato y'ubutabazi yo mu Bufaransa no mu Bwongereza yahise atabara. Abantu 103 barokowe n'ubwato bw'u Bufaransa, mu gihe abandi 54 barokowe n'ubwato bwa Border Force n'ubw'abatabazi bo mu Bwongereza.

Abatabazi bose bajyanywe ku cyambu cya Boulogne-sur-Mer kugira ngo basuzumwe ubuzima kandi bahabwe ubufasha bw'ibanze. Boulogne-sur-Mer

Iyi mpanuka ibaye mu gihe ikibazo cy'abimukira bambuka English Channel gikomeje kuba ingingo ikomeye mu bya politiki mu Bwongereza. Guverinoma y'u Bwongereza ivuga ko ikomeje gukaza ingamba zo guhashya amatsinda acuruza abantu mu buryo butemewe n'amategeko, ndetse no gushaka uburyo bwizewe bwo kwakira abakeneye ubuhungiro. Mu mezi ashize kandi, u Bwongereza n'u Bufaransa byasinyanye amasezerano yo kongera ubufatanye mu gukumira izi ngendo ziteje ibyago ku buzima bw'abimukira.

A little more informed. A little more connected.