Muri ibi bihe umupira w'amaguru ni umwe mu myuga yinjiriza abayikora amafaranga menshi cyane, kuva ku mukinnyi ukinira Al Shabab yo muri Saudi Arabia ukaza ukagera ku mukinnyi ukinira ikipe ya BUMAMURU FC ikina shampiyona y'ikiciro cya mbere mu Burundi. Kuva mu ntangiriro z'uyu mwaka wa 2023 bisa nkaho amafaranga abakinnyi bahembwa yagiye yiyongera akaba menshi kuva aho Ubwami bwa Saudi Arabia butangiye gushora amafaranga menshi muri ruhago bukazana abakinnyi bakomeye bavuye ku mugabane w'u Burayi muri shampiyona zikomeye. Iyo urebye urutonde rw'abakinnyi 10 ba mbere basigaye bahembwa amafaran

Muri ibi bihe umupira w'amaguru ni umwe mu myuga yinjiriza abayikora amafaranga menshi cyane, kuva ku mukinnyi ukinira Al Shabab yo muri Saudi Arabia ukaza ukagera ku mukinnyi ukinira ikipe ya BUMAMURU FC ikina shampiyona y'ikiciro cya mbere mu Burundi.

Kuva mu ntangiriro z'uyu mwaka wa 2023 bisa nkaho amafaranga abakinnyi bahembwa yagiye yiyongera akaba menshi kuva aho Ubwami bwa Saudi Arabia butangiye gushora amafaranga menshi muri ruhago bukazana abakinnyi bakomeye bavuye ku mugabane w'u Burayi muri shampiyona zikomeye.

Iyo urebye urutonde rw'abakinnyi 10 ba mbere basigaye bahembwa amafaranga menshi usanga hejuru ya 80 bakina muri Arabia Saudite kuko uretse Lionel Messi na Kylian Mbappé nibo baza mu myanya ya hafi.

Urutonde rw'abakinnyi 10 bakina ruhago bahembwa amafaranga menshi muri 2023.

10. Kalidou Koulibaly , uyu mukinnyi ukomoka muri Senegal aherutse kwerekeza mu ikipe ya Al Hilal avuye muri Chelsea, kuri ubu Koulibaly ku mwaka ahabwa umushahara wa Miliyoni 30 z'Amapawundi y'u Bwongereza.

9. Riyad Mahrez, Umunya-Algeria uherutse kugurwa n'ikipe ya Al -Ahli muri Saudi Arabia agiye muri Manchester City, aza ku mwanya wa 9 mu bakinnyi bahembwa amafaranga menshi ku isi kuko azajya ahembwa miliyoni 35 z'Amapawundi ku mwaka.

8. Jordan Henderson , uyu wahoze ari Kapiteni wa Liverpool mu Bwongereza, kuri ubu akinira ikipe ya Al-Ettifaq nayo yo muri Saudi Arabia. Jordan Henderson azajya afata umushahara ungana na miliyoni 40 z'Amapawundi ku mwaka.

7. Sadio Mane uherutse kuva muri Bayern Munich akajya muri Al Nassr ya Saudi Arabia azajya afata umushahara ungana na miliyoni 40 z'Amapawundi ku mwaka.

6. Lionel Messi, kabuhariwe ukomoka muri Argentina akaba ubu akinira ikipe ya Inter Miami muri Leta Zunze Ubumwe za Amerika, kuri ubu afata umushahara wa Miliyoni 45 z'Amapawundi y'u Bwongereza.

Lionel Messi ukomeje kubica bigacika muri Inter Miami muri Leta zunze Ubumwe za Amerika.

5. Kylian Mbappé, Umufaransa ukinira ikipe ya Paris Saint-Germain ahembwa miliyoni 70 z'Amapawundi ku mwaka. 

Kylian Mbappé niwe mukinnyi wenyine ukina i Burayi uza hafi mu bahembwa amafaranga menshi.

4. Neymar Jr, uyu musore uturuka muri Brazil aherutse gutangazwa nk'umukinnyi mushya wa Al Hilal agiye muri Paris Saint-Germain mu Bufaransa, Neymar azajya afata umushahara wa Miliyoni 100 z'Amapawundi.

Neymar Jr, umukinnyi mushya wa Al-Hilal.

3. N'Golo Kante, wagiye muri Chelsea nawe akajya muri Saudi Arabia mu ikipe ya Al-Ittihad, kuri ubu Kante nawe azajya afata umushahara ungana na Miliyoni 100 z'Amapawundi ku mwaka umwe.

2. Karim Mostafa Benzema, Umufaransa wavuye muri Real Madrid nyuma y'imyaka 11 ayikinira ariko akaza kwerekeza mu ikipe ya Al-Ittihad nayo yo muri Saudi Arabia. Benzema azajya afata umushahara wa Miliyoni 200 z'Amapawundi ku mwaka.

1. Ku mwanya wa mbere w'umukinnyi w'umupira w'amaguru ku isi uzajya ifata umushahara mwinshi ni Kizigenza Cristiano Ronaldo. Ronaldo umaze amezi 8 muri Saudi Arabia azajya afata umushahara ungana na Miliyoni 200 ku mwaka umwe.

Cristiano Ronaldo uza ku mwanya wa Mbere mu bahembwa amafaranga menshi muri ruhago.

A little more informed. A little more connected.