Afurika y'epfo abantu 27 bishwe mu bitero bibiri byabaye mu masaha atandukanye.

Afurika y’Epfo iri gukurikirana abakekwaho kugira uruhare mu bitero bibiri byabaye mu masaha atandukanye, bigahitana abantu 27, mu gihe abandi 26 bakomeretse. Igitero cya mbere cyabereye ahitwa Wedela, mu burengerazuba bwa Johannesburg, mu ijoro ryo ku wa Gatandatu. Polisi yavuze ko abantu 17 bishwe, abandi 15 bagakomereka. Abishwe barimo abagabo 13 n’abagore bane. Nyuma y’amasaha make, ikindi gitero cyabereye ahitwa Lwandle, hafi ya Cape Town. Polisi yatangaje ko abantu 10 bahasize ubuzima, mu gihe abandi 11 bakomeretse. Polisi yatangaje ko kugeza ku itariki ya 27 Nzeri 2026, nta muntu war

Afurika y’Epfo iri gukurikirana abakekwaho kugira uruhare mu bitero bibiri byabaye mu masaha atandukanye, bigahitana abantu 27, mu gihe abandi 26 bakomeretse. Igitero cya mbere cyabereye ahitwa Wedela, mu burengerazuba bwa Johannesburg, mu ijoro ryo ku wa Gatandatu. Polisi yavuze ko abantu 17 bishwe, abandi 15 bagakomereka. Abishwe barimo abagabo 13 n’abagore bane. Nyuma y’amasaha make, ikindi gitero cyabereye ahitwa Lwandle, hafi ya Cape Town. Polisi yatangaje ko abantu 10 bahasize ubuzima, mu gihe abandi 11 bakomeretse. Polisi yatangaje ko kugeza ku itariki ya 27 Nzeri 2026, nta muntu wari wafatwa ku bw’ibi bitero. Abashinzwe iperereza bakomeje gushakisha abakekwaho kugira uruhare muri ibyo byaha. Impamvu y’ibitero ntiramenyekana neza. Reuters yatangaje ko abashinzwe iperereza bari kureba niba kimwe muri ibyo bitero gishobora kuba gifitanye isano n’amakimbirane ajyanye n’ubucukuzi butemewe, mu gihe ikindi gishobora kuba gifitanye isano n’amakimbirane mu bucuruzi. Ibyo ariko bikiri mu iperereza kandi ntibiratangazwa nk’ukuri kwemejwe. Ibi bitero bibaye nyuma y’ikindi gisa nabyo cyabeye hafi ya Durban, mu minsi mike ishize, aho abantu 11 bishwe. Polisi ikomeje gukurikirana uruhererekane rw’ibitero no gushaka ababigizemo uruhare. Abayobozi ba Afurika y’Epfo bakomeje guhangana n’ikibazo cy’ibyaha by’urugomo, mu gihe umutekano ukomeje kuba imwe mu ngingo zikomeye mu gihugu. Uwanditse:Rahab Iradukunda.