Amavubi arikwitegura Liberia na Cape Verde murugendo rwogushaka itike ya AFCON 2027

Kigali — Ikipe y’Igihugu y’u Rwanda, Amavubi, iri mu myiteguro ikomeye y’imikino ibiri ya mbere yo gushaka itike y’Igikombe cya Afurika cya 2027, aho izabanza kwakira Liberia i Kigali mbere yo guhura na Cape Verde muri Praia. Ku wa 16 Nzeri 2026, abakinnyi ba Amavubi batangiye umwiherero wo kwitegura iyi mikino. FERWAFA yatangaje ko abakinnyi bakina imbere mu gihugu ari bo babanje kugera mu mwiherero, aho imyitozo yakomeje kugeza ku itariki ya 21 Nzeri, mbere y’uko imyiteguro ikomeza mu matsinda atandukanye. Amavubi azakina na Liberia ku wa Gatanu tariki ya 25 Nzeri 2026, mu mukino uzabera k

Kigali — Ikipe y’Igihugu y’u Rwanda, Amavubi, iri mu myiteguro ikomeye y’imikino ibiri ya mbere yo gushaka itike y’Igikombe cya Afurika cya 2027, aho izabanza kwakira Liberia i Kigali mbere yo guhura na Cape Verde muri Praia. Ku wa 16 Nzeri 2026, abakinnyi ba Amavubi batangiye umwiherero wo kwitegura iyi mikino. FERWAFA yatangaje ko abakinnyi bakina imbere mu gihugu ari bo babanje kugera mu mwiherero, aho imyitozo yakomeje kugeza ku itariki ya 21 Nzeri, mbere y’uko imyiteguro ikomeza mu matsinda atandukanye. Amavubi azakina na Liberia ku wa Gatanu tariki ya 25 Nzeri 2026, mu mukino uzabera kuri Amahoro Stadium i Kigali. CAF yashyize uyu mukino muri Group K, aho u Rwanda ruri kumwe na Liberia, Cape Verde na Mali. Uyu mukino uza mu gihe umutoza mushya w’Amavubi, Stephen Constantine, avuga ko kuri ubu intego ye yibanze ari umukino wa Liberia. Mu kiganiro yagiranye na RBA, yavuze ko ikipe yubaha abo bahanganye ariko ko nta kipe itinya, asaba Abanyarwanda kuza ari benshi kuri Amahoro Stadium gushyigikira ikipe yabo. Ku ruhande rw’abakinnyi, rutahizamu Joy-Lance Mickels yavuze ko intego y’ikipe ari kubona itike ya AFCON 2027, nyuma y’uko u Rwanda ruheruka gukina iri rushanwa mu 2004. Na myugariro Ange Mutsinzi yasabye abafana gushyigikira Amavubi, avuga ko kubona amanota mu rugo ari ingenzi. Nyuma ya Liberia, Amavubi azahita yerekeza muri Praia muri Cape Verde, aho azakina n’ikipe y’igihugu ya Cape Verde ku wa 29 Nzeri 2026. CAF yemeje ko uyu mukino nawo uri muri Group K. Urugendo rwo gushaka itike ya AFCON 2027 ruzakomeza mu Gushyingo 2026, mbere y’imikino ibiri ya nyuma iteganyijwe muri Werurwe 2027. Irushanwa rya AFCON 2027 rizabera muri Kenya, Tanzania na Uganda kuva ku wa 19 Kamena kugeza ku wa 17 Nyakanga 2027. Kuri ubu, amaso y’Abanyarwanda ahanzwe kuri Amahoro Stadium, aho Amavubi azatangirira urugendo rushya rwo gushaka kongera kugaragara ku ruhando rw’Igikombe cya Afurika. UMWANDITSI :MUNYERAGWE Josue