Isoko ry'igura n'igurisha ry'abakinnyi muri iyi mpeshyi ryaranzwe no kwiyubaka kw'amakipe atandukanye mu mupira w'amaguru. Amakipe akomeye yagiye agura abakinnyi, kugura abo bakinnyi nibyo byongereye agaciro k'amakipe hagendewe ku bakinnyi ifite ( Squad value). Ikinyamakuru The Sun, kizwiho gutangaza amakuru y'Imikino, cyateguye urutonde rw'amakipe 10 ahenze ku Isi hagendewe ku bakinnyi ifite. Urutonde rwakozwe na The Sun mu kwezi kwa Nyakanga 2023 rugaragaza ko ikipe ya Arsenal isanzwe ikina shampiyona y'ikiciro cya mbere mu Bwongereza ariyo kipe ifite abakinnyi bahenze.  Arsenal iheruka kugu

Isoko ry'igura n'igurisha ry'abakinnyi muri iyi mpeshyi ryaranzwe no kwiyubaka kw'amakipe atandukanye mu mupira w'amaguru. Amakipe akomeye yagiye agura abakinnyi, kugura abo bakinnyi nibyo byongereye agaciro k'amakipe hagendewe ku bakinnyi ifite ( Squad value).

Ikinyamakuru The Sun, kizwiho gutangaza amakuru y'Imikino, cyateguye urutonde rw'amakipe 10 ahenze ku Isi hagendewe ku bakinnyi ifite.

Urutonde rwakozwe na The Sun mu kwezi kwa Nyakanga 2023 rugaragaza ko ikipe ya Arsenal isanzwe ikina shampiyona y'ikiciro cya mbere mu Bwongereza ariyo kipe ifite abakinnyi bahenze.

 Arsenal iheruka kugura abakinnyi barimo Declan Rice, Kai Havertz na Jurrien Timber, byatumye iyi kipe ihita igura abakinnyi babarirwa Miliyari 1 na miliyoni 51 z'Amayero.

Ku mwanya wa Kabiri haza ikipe ya Manchester City nayo ikina Premier League y'u Bwongereza, abakinnyi ba Manchester City bafite agaciro ka Miliyari 1 na miliyoni 34 z'Amayero.

Ku mwanya wa 3 hazaho ikipe yo mu Bufaransa ya Paris Saint-Germain,ifite agaciro ka miliyoni 886 z'Amayero.

 Real Madrid yo muri Espagne ku mwanya wa 4, ifite agaciro ka miliyoni 861 z'amayero nayo igakurikirwa na Bayern Munich yo mu Budage ifite agaciro ka miliyoni 829 z'amayero. 

Ku mwanya wa 6 hahita haza ikipe ya Chelsea ikina shampiyona y'ikiciro cya mbere mu Bwongereza ,ifite abakobwa bafite agaciro ka miliyoni 755 z'amayero.

Ku mwanya wa 7 haza ikipe ifite igikombe cya shampiyona ya Espagne giheruka ya FC Barcelona aho ifite agaciro ka miliyoni 735 z'amayero. Nyuma yaho haza ikipe itozwa na Jurgen Klopp ya Liverpool, abakinnyi bayo bafite agaciro ka miliyoni 735 z'amayero.

Ikipe iza ku mwanya wa 9 ubanziriza uwa nyuma ni Manchester United ifite agaciro ka miliyoni 726 z'amayero. Ku mwanya wanyuma ariwo wa 10 ni Tottenham Hospurs nayo yo mu Bwongereza ifite agaciro ka miliyoni 672 z'amayero.

Declan Rice uheruka kugurwa na Arsenal bigatuma agaciro k'abakinnyi kiyongera.

Uko amakipe akurikirana mu kugira abakinnyi behenze nk'uko rwakozwe n'ikinyamakuru The Sun.

A little more informed. A little more connected.