Congo:Ibikorwa byo guhangana n'icyorezo cya Ebola byarenze imipaka.

Mu gihe icyorezo cya Ebola muri Repubulika Iharanira Demokarasi ya Congo (RDC) gikomeje kugera ku rwego rutigeze rubaho, ibikorwa byo gukurikirana no kugenzura iki cyorezo byatangiye no gukorerwa hanze y’imipaka y’iki gihugu. Imibare ya Guverinoma yatangajwe ku wa Kabiri igaragaza ko muri RDC hamaze gutangazwa abarenga 7,700 banduye Ebola, mu gihe abarenga 3,700 bamaze guhitanwa na yo. Mu rwego rwo guhangana n’iki cyorezo, Umuryango Mpuzamahanga ushinzwe Abimukira (IOM) wongereye ibikorwa byawo ahantu hatuwe n’abimuwe ndetse no ku nzira nyamukuru z’ingendo, harimo n’ahanyura abantu ku ruzi r

Mu gihe icyorezo cya Ebola muri Repubulika Iharanira Demokarasi ya Congo (RDC) gikomeje kugera ku rwego rutigeze rubaho, ibikorwa byo gukurikirana no kugenzura iki cyorezo byatangiye no gukorerwa hanze y’imipaka y’iki gihugu. Imibare ya Guverinoma yatangajwe ku wa Kabiri igaragaza ko muri RDC hamaze gutangazwa abarenga 7,700 banduye Ebola, mu gihe abarenga 3,700 bamaze guhitanwa na yo. Mu rwego rwo guhangana n’iki cyorezo, Umuryango Mpuzamahanga ushinzwe Abimukira (IOM) wongereye ibikorwa byawo ahantu hatuwe n’abimuwe ndetse no ku nzira nyamukuru z’ingendo, harimo n’ahanyura abantu ku ruzi rwa Congo. Ku cyambu cya Bende-Bende i Kinshasa, abakozi ba IOM bapima ubushyuhe bwa buri mugenzi w’urugendo kandi bakusanya amakuru ajyanye n’ubuzima bwe, bifashishije urupapuro rwuzuzwa n’abagenzi. Amatsinda akorera aho akora isuzuma ry’ubuzima ry’abagenzi rigera ku bantu 1,000 ku munsi. Dr. Primous Godjedo, inzobere mu bijyanye n’umutekano w’ubuzima muri IOM, yagize ati:“Iyo umugenzi agaragaje ibimenyetso bituma akekwa cyangwa agashyirwa mu cyiciro cy’abantu bagomba gukurikiranwa, ahita yoherezwa ahakorerwa ibizamini kugira ngo hamenyekane niba ari Ebola, indi ndwara y’icyorezo cyangwa kolera.” IOM yavuze kandi ko iri gukorana “bya hafi” n’ibihugu bihana imbibi na RDC, birimo Uganda, Sudani y’Epfo, u Burundi, u Rwanda na Repubulika ya Centrafrique, mu rwego rwo kongera ubushobozi bwo kwitegura no kugabanya ibyago by’uko Ebola yakwambuka imipaka ikagera mu bindi bihugu.   Umwanditsi : Marie Florence NDAYISHIMIYE