Dangote yatangije umushinga wa miliyali 16 z'amadolari wo kubaka uruganda rwa petiroli muri Kenya.

Dangote yatangije umushinga wa miliyari 16 z’amadolari wo kubaka uruganda rwa peteroli muri Kenya.Umushoramari w’Umunya-Nigeria, Aliko Dangote, na Perezida wa Kenya, William Ruto, ku wa 30 Nzeri 2026 batangije ibikorwa byo kubaka uruganda runini rutunganya peteroli mu gace ka Lamu, ku nkombe za Kenya. Uyu mushinga ufite agaciro ka hafi miliyari 16 z’amadolari, kandi uruganda ruzaba rufite ubushobozi bwo gutunganya hafi barili 700,000 za peteroli ku munsi. Biteganyijwe ko ruzarangira mu mwaka wa 2030. Intego y’uru ruganda ni kongera ubushobozi bwo gutunganya peteroli muri Afurika y’Iburasiraz

Dangote yatangije umushinga wa miliyari 16 z’amadolari wo kubaka uruganda rwa peteroli muri Kenya.Umushoramari w’Umunya-Nigeria, Aliko Dangote, na Perezida wa Kenya, William Ruto, ku wa 30 Nzeri 2026 batangije ibikorwa byo kubaka uruganda runini rutunganya peteroli mu gace ka Lamu, ku nkombe za Kenya. Uyu mushinga ufite agaciro ka hafi miliyari 16 z’amadolari, kandi uruganda ruzaba rufite ubushobozi bwo gutunganya hafi barili 700,000 za peteroli ku munsi. Biteganyijwe ko ruzarangira mu mwaka wa 2030. Intego y’uru ruganda ni kongera ubushobozi bwo gutunganya peteroli muri Afurika y’Iburasirazuba no kugabanya kwishingikiriza ku bicuruzwa bituruka hanze. Ruzanatanga umusaruro w’ibikomoka kuri peteroli ushobora kugera ku masoko yo muri Kenya no mu bindi bihugu byo muri aka karere. Umushinga uteganyijwe no guteza imbere ibikorwa by’inganda muri Lamu, ndetse ukaba ushobora gutanga imirimo ibarirwa mu bihumbi. Reuters ivuga ko ushobora gutanga imirimo irenga 50,000. Gusa uyu mushinga ufite n’imbogamizi. Hari urubanza rurebana n’ubutaka bwagenewe kubakwaho uruganda, aho abaturage bamwe basabye ko uburenganzira ku butaka bwabo bwitabwaho. Urukiko rwategetse ko imiterere y’ubutaka ikomeza uko iri kugeza igihe urubanza ruzaburanishwa ku wa 14 Ukwakira. Uwanditse: Rahab Iradukunda.