Muri Repubulika Iharanira Demokarasi ya Congo (DR Congo), muri Ituri mu Ntara yi burasirazuba bw’igihugu, abantu barenga 250 bitabiriye igeragezwa ry’umuti ushobora gufasha abantu kwirinda kwandura Ebola . Umwe mu bitabiriye iri geragezwa yagize ati: “Icyatumye mfata icyemezo cyo kwitabira ni urupfu rwa marume. Igihe yapfaga, ibizamini byagaragaje ko yari afite Ebola. Kubera ko nari narabaye umuntu wahuye na we, ni byo byatumye nza hano.” Undi witabiriye yavuze ko yagiye abona imiryango aho iyo umuntu umwe amaze kugaragaraho Ebola, hafi abo mu rugo bose bashobora kwandura. Yagize ati: “Arik

  Muri Repubulika Iharanira Demokarasi ya Congo (DR Congo), muri Ituri mu Ntara yi burasirazuba bw’igihugu, abantu barenga 250 bitabiriye igeragezwa ry’umuti ushobora gufasha abantu kwirinda kwandura Ebola . Umwe mu bitabiriye iri geragezwa yagize ati: “Icyatumye mfata icyemezo cyo kwitabira ni urupfu rwa marume. Igihe yapfaga, ibizamini byagaragaje ko yari afite Ebola. Kubera ko nari narabaye umuntu wahuye na we, ni byo byatumye nza hano.” Undi witabiriye yavuze ko yagiye abona imiryango aho iyo umuntu umwe amaze kugaragaraho Ebola, hafi abo mu rugo bose bashobora kwandura. Yagize ati: “Ariko ugereranyije n’ibyo, igihe ninjiraga muri iri geragezwa rya EBO-PEP, nasanze nta muntu wo mu muryango wari urwaye iyi ndwara. Ibi bivuze ko iyi miti iri gukora neza cyane mu mibiri yacu.” Umuti wa antiviral urimo kugeragezwa ni uwitwa post-exposure prophylaxis (PEP), utangwa umuntu akimara gukekwa ko yaba yarahuye na virusi. Umuganga ukora iperereza muri iri geragezwa rya EBO-PEP, Jacques Zawadi, yavuze ko muri rusange abitabiriye iri geragezwa banyuzwe n’uko riri kugenda. Yagize ati: “Kubona umuti ushobora kuvura indwara itari ifite umuti bitanga icyizere. Abenshi mu bitabiriye bishimiye kuba bari kumwe natwe no kubona amahirwe yo gukoresha uyu muti, nubwo ukiri mu igeragezwa.” Iri geragezwa ryatangiye muri Nyakanga kandi ni rimwe mu bushakashatsi bwinshi bwatangijwe mu rwego rwo kurwanya Ebola. Intego ni ukwinjizamo abantu hafi 1,000, barimo abantu bakuru ndetse n’abana bafite imyaka irenga 12, baba barahuye n’umuntu wemejwe ko yanduye Ebola mu minsi itanu ishize ariko bo bakaba bataragaragaza ibimenyetso by’indwara. Abitabiriye iri geragezwa bakurikiranwa imbonankubone buri munsi mu gihe cy’iminsi 21. Nyuma yaho, bakongera gukurikiranwa binyuze kuri telefoni cyangwa gusurwa ku munsi wa 42. Kuva iki cyorezo cya Ebola cyatangazwa hagati muri Gicurasi, hamaze kwemezwa nibura abarwayi 8,300, barimo abantu 4,000 bapfuye. DR Congo yatangiye gukingira abakozi bo mu rwego rw’ubuzima akoresheje urukingo rwa Ervebo, rwagaragaje ubushobozi bwo kurinda Ebola mu bihe by’icyorezo cyabanje cyatewe n’ubundi bwoko bwa virusi ikunze kugaragara. Abayobozi bavuze ko Ervebo ishobora gutanga ubwirinzi runaka kuri virusi ya Bundibugyo, ariko ubushakashatsi buracyakomeje kugira ngo hamenyekane niba urwo rukingo rushobora koko gukumira indwara iterwa n’iyo virusi. Abantu bitabiriye iri geragezwa bose baba barahuye n’ubwoko budakunze kuboneka bwa virusi ya Bundibugyo, kuri ubu bukaba butaragirirwa urukingo rwemewe rwo gukingira. Abahanga bavuga ko iri geragezwa ari intambwe ikomeye mu rugamba rwo kurwanya iki cyorezo, kimaze gufatwa nk’icyorezo cya Ebola cyahitanye abantu benshi kurusha ibindi muri iki gihugu.

A little more informed. A little more connected.