Ebora igeze muri Kenya nyuma y'umurwayi wavuye muri RDC agapfira I Nairobi.

Nairobi, Kenya — 6 Ukwakira 2026. Kenya yatangaje ko yemeje umuntu wa mbere wanduye indwara iterwa na virusi ya Ebola, nyuma y’uko uwo murwayi yari avuye muri Repubulika Iharanira Demokarasi ya Congo (RDC). Uyu murwayi yaje gupfira i Nairobi ku wa 5 Ukwakira 2026. Umurwayi yari Umunyakenya wari umaze imyaka hafi irindwi atuye muri RDC. Yari amaze igihe arwaye, nyuma agenda mu nzira y’ubutaka agera i Kampala muri Uganda, mbere yo gukomeza urugendo ajya muri Kenya. Ku wa 3 Ukwakira 2026, yageze i Nairobi n’indege. Nyuma yo kugera muri Kenya, yajyanywe kwa muganga ndetse ahita ashyirwa mu kato

Nairobi, Kenya — 6 Ukwakira 2026. Kenya yatangaje ko yemeje umuntu wa mbere wanduye indwara iterwa na virusi ya Ebola, nyuma y’uko uwo murwayi yari avuye muri Repubulika Iharanira Demokarasi ya Congo (RDC). Uyu murwayi yaje gupfira i Nairobi ku wa 5 Ukwakira 2026. Umurwayi yari Umunyakenya wari umaze imyaka hafi irindwi atuye muri RDC. Yari amaze igihe arwaye, nyuma agenda mu nzira y’ubutaka agera i Kampala muri Uganda, mbere yo gukomeza urugendo ajya muri Kenya. Ku wa 3 Ukwakira 2026, yageze i Nairobi n’indege. Nyuma yo kugera muri Kenya, yajyanywe kwa muganga ndetse ahita ashyirwa mu kato kugira ngo hatagira abandi bantu bahura na we mu gihe hakorwaga ibizamini. Ibizamini byakorewe muri laboratwari ebyiri zo muri Kenya byemeje ko yari arwaye Bundibugyo virus disease, indwara iterwa na bumwe mu bwoko bwa virusi zitera Ebola. Uyu murwayi yaje gupfa ku mugoroba wo ku wa 5 Ukwakira. Abashinzwe ubuzima muri Kenya batangiye gushakisha no gukurikirana abantu bashobora kuba barahuye n’uyu murwayi. Kugeza ubu, abantu 28 bamaze kumenyekana ko bahuye na we, barimo abo mu muryango we ndetse n’abakozi bo kwa muganga. Abashinzwe ubuzima kandi barimo gushakisha abagenzi 23 n’abakozi bane b’indege yari yarimo. Kenya yatangaje ko kugeza ubu nta wundi muntu urandura Ebola wemejwe, ariko gukurikirana abahuye n’uyumurwayi birakomeje kugira ngo hamenyekane hakiri kare umuntu wese ushobora kugaragaza ibimenyetso bya ebola. Kuba Kenya yemeje umurwayi wa mbere wa Ebola byatumye ingamba zo gukumira ikwirakwira ry’iyi ndwara zikazwa. Abashinzwe ubuzima bakomeje gukurikirana abahuye n’uyumurwayi no gushakisha abandi bashobora kuba barahuye na we, mu gihe igihugu n’abafatanyabikorwa mpuzamahanga bakomeje gukorana mu rwego rwo gukumira ko Ebola ikwirakwira.