Mugihe igisirikare cy'abagereki n'a Misiri bari mu myitozo Ba mukerarugendo bari ku kirwa cya Crete mu Bugereki ku wa Gatanu barebye imyitozo ikomeye ya gisirikare yakorewe ku metero 50 gusa uvuye ku mucanga. Iyi myitozo ngarukamwaka izwi nka Medusa, iyobowe n’u Bugereki na Misiri, yabereye hafi y’umujyi wa Chania uri ku cyambu. Muri iyi myitozo hakoreshejwe indege zitagira abapilote (drones), ubwato bwihuta bwageze ku nkombe, ndetse hakorwa imyitozo yo kurasa ihagarariwe n’ingabo zirwanira ku mazi nk'imitwe y’ingabo zidasanzwe. Iyi myitozo yamaze hafi isaha imwe, ikurura cyane ba mukeraruge

Mugihe igisirikare cy'abagereki n'a Misiri bari mu myitozo Ba mukerarugendo bari ku kirwa cya Crete mu Bugereki ku wa Gatanu barebye imyitozo ikomeye ya gisirikare yakorewe ku metero 50 gusa uvuye ku mucanga. Iyi myitozo ngarukamwaka izwi nka Medusa, iyobowe n’u Bugereki na Misiri, yabereye hafi y’umujyi wa Chania uri ku cyambu. Muri iyi myitozo hakoreshejwe indege zitagira abapilote (drones), ubwato bwihuta bwageze ku nkombe, ndetse hakorwa imyitozo yo kurasa ihagarariwe n’ingabo zirwanira ku mazi nk'imitwe y’ingabo zidasanzwe. Iyi myitozo yamaze hafi isaha imwe, ikurura cyane ba mukerarugendo bari muri ako gace. Polisi ya gisirikare y’u Bugereki yabashyize ahantu hizewe, mu gihe abasirikare banyuraga mu mwotsi  berekeza ku mucanga, indege za kajugujugu ziguruka hejuru yabo. Umwe mu ba mukerarugendo ukomoka mu majyaruguru y’u Bwongereza yavuze ko yatunguwe n’ubwinshi n’ubukana bw’iyi myitozo. Carr yagize ati: “Nabonye ko ari imyitozo runaka ya gisirikare, ariko sinari niteze ko iba ku rugero nk’uru." Ubufaransa, u Butaliyani na Cyprus na byo byitabiriye iyi myitozo yabaye kuva ku itariki ya 10 kugeza ku ya 18 Nzeri, mu gihe ibihugu byo mu karere k’inyanja ya Mediterane bikomeje kongera ubufatanye mu bya gisirikare. Iyi myitozo ibaye mu gihe intambara, ibibazo by’ubukungu ndetse no kutamenya neza uruhare rwa Leta Zunze Ubumwe za Amerika muri aka karere biri gutuma ibihugu bishaka kurushaho gukorana, kongera ubumwe no kongera ubushobozi bwo kwirinda ibitero. Mu kwezi gushize, u Bugereki bwagiranye na Israel amasezerano y’agaciro ka miliyari eshatu z’amayero agamije kubaka uburyo bushya bwo kurinda ikirere buzwi nka Achilles Shield. Mu byumweru byabanjirije ayo masezerano, Turukiya, Pakistan na Arabiya Sawudite na byo byashyize umukono ku masezerano akomeye y’ubufatanye mu by’ingabo. Misiri yohereje mu myitozo ubwato butwara kajugujugu buzwi nka Gamal Abdel Nasser. Abagenzuzi baturutse muri Serbia, Leta Zunze Ubumwe z’Abarabu, Bahrain na Mozambique na bo bari bitabiriye iyo myitozo. Imyitozo ya Medusa igaragaza ko ubufatanye mu bya gisirikare hagati y’ibihugu byo mu karere ka Mediterane ndetse n’ibihugu biyikikije bukomeje kwiyongera. Umwanditsi: Marie Florence NDAYISHIMIYE

A little more informed. A little more connected.