Ishyaka riri ku butegetsi muri Cameroun, Cameroon People's Democratic Movement (CPDM), ryateranye mu nama idasanzwe y'abayobozi baryo bakuru mu gihe hakomeje kwiyongera impungenge n'ibibazo bibazwa ku ibura rya Perezida Paul Biya, umaze iminsi 45 ari hanze y'igihugu. Paul Biya w'imyaka 93, akaba ari we mukuru mu myaka mu bayobozi b'ibihugu bakiri ku butegetsi ku Isi, yavuye muri Cameroun ku wa 7 Kamena 2026 ajya mu Burayi mu rugendo rwiswe urwihariye rw'igihe gito. Kugeza ubu, nta tangazo Leta iratangaza rigaragaza igihe azagarukira mu gihugu. Umunyamabanga Mukuru wa CPDM, Jean Nkuete, ni we

Ishyaka riri ku butegetsi muri Cameroun, Cameroon People's Democratic Movement (CPDM), ryateranye mu nama idasanzwe y'abayobozi baryo bakuru mu gihe hakomeje kwiyongera impungenge n'ibibazo bibazwa ku ibura rya Perezida Paul Biya, umaze iminsi 45 ari hanze y'igihugu. Paul Biya w'imyaka 93, akaba ari we mukuru mu myaka mu bayobozi b'ibihugu bakiri ku butegetsi ku Isi, yavuye muri Cameroun ku wa 7 Kamena 2026 ajya mu Burayi mu rugendo rwiswe urwihariye rw'igihe gito. Kugeza ubu, nta tangazo Leta iratangaza rigaragaza igihe azagarukira mu gihugu. Umunyamabanga Mukuru wa CPDM, Jean Nkuete, ni we watumije iyo nama ayita "inama y'akazi ikomeye", ariko ntiyatangaje ibyo iri bwige, ndetse nta rwego rwemeje ko ifitanye isano n'ibura rya Perezida Biya. Biya amaze ku butegetsi kuva mu 1982, kandi asanzwe amara igihe kinini mu Burayi, cyane cyane mu Busuwisi. Icyakora, urugendo rwe ruheruka ni rwo rumaze igihe kirekire kurusha izindi zose, ibintu byakajije impaka ku buzima bwe no ku bushobozi bwe bwo gukomeza kuyobora igihugu. Amashyaka atavuga rumwe n'ubutegetsi yasabye ko abaturage basobanurirwa uko ubuyobozi bw'igihugu bukomeje gukora mu gihe Perezida adahari. Hari n'abanyapolitiki basabye Urukiko rw'Ikirenga rushinzwe kurinda Itegeko Nshinga gutangaza ko umwanya wa Perezida wasigaye nta muntu uwurimo. Nubwo Inteko Ishinga Amategeko iherutse kwemeza kongera umwanya wa Visi Perezida, uzajya usimbura Perezida bibaye ngombwa, uwo mwanya nturashyirwaho. Perezida Biya kandi ntararangiza gushyiraho guverinoma nshya nyuma yo kongera gutorerwa kuyobora Cameroun mu matora yo mu mwaka ushize.

A little more informed. A little more connected.