Mu ruzinduko ari kugirira muri Israel, Olivier Nduhungirehe yasuye Netafim, imwe mu masosiyete akomeye ku isi mu ikoranabuhanga ryo kuhira imyaka (precision irrigation). Uru ruzinduko rwari rugamije kureba aho ibikorwa by'uyu mushinga bigeze no gukomeza ubufatanye hagati y'impande zombi mu guteza imbere ubuhinzi n'imicungire y'umutungo w'amazi. Mu biganiro yagiranye n'ubuyobozi bwa Netafim, Minisitiri yagejejweho uko sosiyete ikora uburyo bugezweho bwo kuhira imyaka hakoreshejwe ikoranabuhanga rifasha gukoresha amazi neza, kongera umusaruro w'ubuhinzi no guhangana n'ingaruka z'imihindagurikir

Mu ruzinduko ari kugirira muri Israel, Olivier Nduhungirehe yasuye Netafim, imwe mu masosiyete akomeye ku isi mu ikoranabuhanga ryo kuhira imyaka (precision irrigation). Uru ruzinduko rwari rugamije kureba aho ibikorwa by'uyu mushinga bigeze no gukomeza ubufatanye hagati y'impande zombi mu guteza imbere ubuhinzi n'imicungire y'umutungo w'amazi. Mu biganiro yagiranye n'ubuyobozi bwa Netafim, Minisitiri yagejejweho uko sosiyete ikora uburyo bugezweho bwo kuhira imyaka hakoreshejwe ikoranabuhanga rifasha gukoresha amazi neza, kongera umusaruro w'ubuhinzi no guhangana n'ingaruka z'imihindagurikire y'ibihe. Kimwe mu byibanzweho muri uru ruzinduko ni Gabiro Irrigation Project, umushinga uri gushyirwa mu bikorwa mu Rwanda ugamije kongera ubuso bwuhirwa no guteza imbere ubuhinzi bukoresha amazi neza. Biteganyijwe ko uyu mushinga uzafasha kongera umusaruro w'abahinzi, kuzamura umutekano w'ibiribwa no guteza imbere ubukungu bushingiye ku buhinzi. Minisitiri Nduhungirehe yananasuye inganda za Netafim, aho yeretswe uburyo ibikoresho byo kuhira bikorwa n'uburyo bigezwa ku bihugu bitandukanye birimo n'u Rwanda. Ibi byafashije impande zombi kuganira ku buryo ubufatanye bwakomeza kwaguka mu rwego rw'ubuhinzi bugezweho ndetse no gucunga neza umutungo w'amazi. Uru ruzinduko rugaragaza ubushake bw'u Rwanda bwo gukomeza gukorana n'abafatanyabikorwa mpuzamahanga bafite ikoranabuhanga rigezweho, mu rwego rwo kubaka ubuhinzi burambye, buhangana n'imihindagurikire y'ibihe kandi bukagira uruhare mu iterambere ry'igihugu.

A little more informed. A little more connected.