octopus: inyamaswa ifite imitima itatu n’amaboko asa n’afite ubwenge bwayo

Tekereza inyamaswa iba mu nyanja ifite imitima itatu, amaboko umunani ashobora gukora imirimo itandukanye, ndetse hafi bibiri bya gatatu by’uturemangingo tw’imyakura yayo tukaba turi mu maboko yayo. Iyo nyamaswa ni octopus. Uko umutima wayo utera n’uko amaboko yayo akorana n’ubwonko bituma iba imwe mu nyamaswa zidasanzwe kandi zitangaje abashakashatsi. Octopus ni inyamaswa yo mu nyanja iri mu itsinda rya cephalopods . Nubwo umubiri wayo woroshye kandi idafite amagufa, ifite uburyo bw’imikorere y’umubiri butangaje cyane. Kimwe mu bintu bikomeye bitandukanya octopus n’izindi nyamaswa ni imitima

Tekereza inyamaswa iba mu nyanja ifite imitima itatu, amaboko umunani ashobora gukora imirimo itandukanye, ndetse hafi bibiri bya gatatu by’uturemangingo tw’imyakura yayo tukaba turi mu maboko yayo. Iyo nyamaswa ni octopus. Uko umutima wayo utera n’uko amaboko yayo akorana n’ubwonko bituma iba imwe mu nyamaswa zidasanzwe kandi zitangaje abashakashatsi.

Octopus ni inyamaswa yo mu nyanja iri mu itsinda rya cephalopods. Nubwo umubiri wayo woroshye kandi idafite amagufa, ifite uburyo bw’imikorere y’umubiri butangaje cyane.

Kimwe mu bintu bikomeye bitandukanya octopus n’izindi nyamaswa ni imitima yayo itatu. Ibiri muri yo byohereza amaraso ku gills, aho amaraso abonerera umwuka wa oxygen. Umutima wa gatatu wo hagati ushinzwe kohereza amaraso mu mubiri wose.

Ariko hari ikindi gitangaje: iyo octopus yoga, umutima wayo wo hagati ushobora guhagarika gutera mu gihe gito. Ibi ni kimwe mu mpamvu zituma octopus ikunda gukoresha cyane kugenda ikoresheje amaboko yayo aho koga igihe kirekire.

N’amaboko yayo umunani ni inkuru yihariye. Buri kuboko gufite uturemangingo twinshi dufasha octopus kumva no kugenzura ibyo ikoraho. Ku buryo amaboko yayo atari nk’amaboko y’umuntu gusa; afite ubushobozi bwo gukora ibikorwa byinshi mu buryo bwigenga, mu gihe ubwonko bukuru bugikomeza guhuza ibikorwa by’umubiri.

Ku maboko yayo hari utwuma dufata ibintu (suckers) dufasha octopus gufata ibiryo, gufungura ibintu no kumenya imiterere y’ikintu iri gukoraho.

Igitangaje kurushaho ni uko octopus ishobora gukoresha amaboko yayo menshi icyarimwe mu bikorwa bitandukanye. Kubera uburyo nervous system yayo ikora, amaboko yayo ashobora kugira uruhare runini mu gufata ibyemezo bijyanye n’ibikorwa biri gukorwa.

Octopus kandi ishobora guhindura ibara n’imiterere y’uruhu rwayo, ikifashisha ubwo bushobozi mu kwihisha cyangwa gutanga ibimenyetso. Ibi bituma kuba mu nyanja bitaba gusa ikibazo cyo kugira imbaraga, ahubwo bisaba no kugira uburyo bwiza bwo guhuza umubiri n’ibidukikije.

Octopus itwereka ko ubuzima bwo mu nyanja bugifite amabanga menshi. Imitima itatu, amaboko umunani afite ubushobozi budasanzwe, ndetse n’uburyo bwihariye nervous system yayo ikoramo bituma iyi nyamaswa iba imwe mu zikomeza gutangaza abashakashatsi n’abakunda ibitangaza byo mu isi y’inyanja.

UMWANDITSI: MUNYERAGWE Josue