Ikigo mpuzamahanga cy'ubushakashatsi cyitiriwe Papa Leo XIV cyatangijwe ku mugaragaro mu Nzu Ndangamurage ya Palazzo Vecchio, mu mujyi wa Firenze mu Butaliyani, Papa akaba yaragishimiye binyuze mu butumwa yandikiye abari mu muhango. Iki gikorwa cyabaye ku itariki ya 14 Ukwakira 2025, ubwo Ikigo mpuzamahanga cy'ubushakashatsi cyitiriwe Papa Leo XIV cyatangizwaga mu Nzu Ndangamurage ya Palazzo Vecchio i Firenze. Uwo muhango wayoborwe na Padiri Giuseppe Pagano, umuyobozi w'Abikira b'Agosutini bo mu ivuriro rya Santo Spirito, hakaba hitabiriwe n'abandi bayobozi harimo umuyobozi w'umujyi wa Firenz

Ikigo mpuzamahanga cy'ubushakashatsi cyitiriwe Papa Leo XIV cyatangijwe ku mugaragaro mu Nzu Ndangamurage ya Palazzo Vecchio, mu mujyi wa Firenze mu Butaliyani, Papa akaba yaragishimiye binyuze mu butumwa yandikiye abari mu muhango. Iki gikorwa cyabaye ku itariki ya 14 Ukwakira 2025, ubwo Ikigo mpuzamahanga cy'ubushakashatsi cyitiriwe Papa Leo XIV cyatangizwaga mu Nzu Ndangamurage ya Palazzo Vecchio i Firenze. Uwo muhango wayoborwe na Padiri Giuseppe Pagano, umuyobozi w'Abikira b'Agosutini bo mu ivuriro rya Santo Spirito, hakaba hitabiriwe n'abandi bayobozi harimo umuyobozi w'umujyi wa Firenze, Sara Funaro, n'abandi bahagarariye Kiliziya n'ishuri rikuru ry'ubutheology. Papa Leo XIV yohereje ubutumwa binyuze ku mukono wa Kardinali Pietro Parolin, ushinzwe ibikorwa bya Leta muri Vatikani, agaragaza ko ashima iki gikorwa cy'umuco cyateguwe n'Ababikira b'Agosutini bo muri Santo Spirito, kigamije guteza imbere Inyigisho z'Imibereho ya Kiliziya Gatolika. Muri ubwo butumwa, Papa yasabye ko iki kigo kizakomeza ubufatanye n'ibigo by'amashuri makuru ndetse n'inzego za Kiliziya n'imibereho myiza y'abaturage, kugira ngo abantu bose bahabwe uburyo bwo kumenya inyigisho za Kiliziya Gatolika zishingiye ku Ivanjili. Ikigo cy'ubushakashatsi cyashinzwe nk'igisubizo ku busabe bwa Papa Leo XIV bwo gusubiramo inyigisho z'Imibereho ya Kiliziya Gatolika mu rwego rwo guhangana n'ibibazo by'iki gihe. Gifatanyije n'Ishuri Rikuru ry'Ubutheology ryo Hagati mu Butaliyani, iki kigo kigamije gutanga amahugurwa ku mibereho ya politiki n'imibereho myiza y'abaturage, ku rwego rw'igihugu no ku rwego mpuzamahanga. Zimwe mu ntego zikomeye z'iki kigo ni Gufasha buri muntu, kitavanguwe ku bwoko cyangwa idini, kubona uburyo nyabwo bwo gusesengura ubuzima bwa buri munsi, Guhugura abantu ku mibereho ya politiki n'imibereho rusange, Gutanga inyigisho ku bafite ubushishozi bw'ubutheology bakeneye kwiyongera mu mibanire mpuzamahanga ndetse no Kwigisha abasenga, abadiyakoni, abapadiri, n'abihaye Imana kugira ubushobozi bwo gusesengura amakuru mu buryo bwiza Ishingwa ry'iki kigo mu mujyi wa Firenze rigaragaza uburyo Papa Leo XIV akomeje kwibanda ku guteza imbere Inyigisho z'Imibereho ya Kiliziya Gatolika mu rwego rwo guhangana n'ibibazo bikomeye by'isi y'ubu, kandi akifuza ko iki kigo kizakomeza gufasha rubanda binyuze mu mashuri, amahugurwa, n'inama.   Umwanditsi: Marie Florence NDAYISHIMIYE  

A little more informed. A little more connected.