''Pom Pom” ya Bruce Melodie ihataniye igihembo muri HiPipo Music Awards 2026

Indirimbo “Pom Pom”ya Bruce Melodie, yakoranye na Diamond Platnumz wo muri Tanzania na Brown Joel wo muri Nigeria , imaze kurenga miliyoni 10 views kuri YouTube, mu gihe iri no guhatanira igihembo cya East Africa Best Act/Song muri HiPipo Music Awards 2026. “Pom Pom” yasohotse ku wa 1 Mutarama 2026, ikaba ari ubufatanye bw’abahanzi batatu bahuje u Rwanda, Tanzania na Nigeria. Indirimbo yakozwe na C-Tea Beat, mu gihe amashusho yayo yakozwe n’abayobozi barimo **Sasha Vybz** na Fayzo Pro. Amashusho yayo yafatiwe i Kigali mu Rwanda no Dar es Salaam muri Tanzania, aho aba bahanzi bahuje injyana z

Indirimbo “Pom Pom”ya Bruce Melodie, yakoranye na Diamond Platnumz wo muri Tanzania na Brown Joel wo muri Nigeria , imaze kurenga miliyoni 10 views kuri YouTube, mu gihe iri no guhatanira igihembo cya East Africa Best Act/Song muri HiPipo Music Awards 2026. “Pom Pom” yasohotse ku wa 1 Mutarama 2026, ikaba ari ubufatanye bw’abahanzi batatu bahuje u Rwanda, Tanzania na Nigeria. Indirimbo yakozwe na C-Tea Beat, mu gihe amashusho yayo yakozwe n’abayobozi barimo **Sasha Vybz** na Fayzo Pro. Amashusho yayo yafatiwe i Kigali mu Rwanda no Dar es Salaam muri Tanzania, aho aba bahanzi bahuje injyana zirimo Afro-pop, Bongo Flava na Afrobeats, bakoresha Kinyarwanda, Igiswahili n’Icyongereza. Ku bijyanye n’amafaranga yashowemo, Kenny Mugarura, umuyobozi wa 1:55 AM Ltd ireberera ibikorwa bya Bruce Melodie, yavuze ko “Pom Pom” yatwaye arenga miliyoni 140 Frw, amafaranga menshi akagirwa mu ikorwa ry’amashusho n’ibikoresho byifashishijwe. Mu cyiciro cya East Africa Best Act/Song, “Pom Pom” ihatanye n’izindi ndirimbo zirimo “Only God Can Save Me” ya Adekunle Gold na Davido, “Heaven Baby” ya Ayra Starr na Zayn Malik, “Finale” ya Bien na Ali Kiba ndetse na “Dai Dai” ya Burna Boy na Shakira. Umuhango wo gutanga ibihembo bya HiPipo Music Awards 2026 uteganyijwe ku wa 13 Ugushyingo 2026 i Kampala muri Uganda.