RDC: indege yakoreye impanuka i Kenge abayirimo 17 bahaziga ubuzima.

Kenge, RDC — Abantu 17 bapfuye nyuma y’uko indege nto yakoze impanuka mu mujyi wa Kenge, mu ntara ya Kwango, mu majyepfo ashyira uburengerazuba bwa Repubulika Iharanira Demokarasi ya Congo (RDC), ku wa Gatanu tariki ya 25 Nzeri 2026. Indege yakoraga urugendo ivuye i Kikwit mu ntara ya Kwilu yerekeza i Kinshasa. Amakuru yatangajwe n’ubuyobozi bw’intara ya Kwango avuga ko indege yagize ikibazo ubwo yari hejuru ya Kenge, maze umupilote ashakisha aho yayimanurira. Indege yaje kugwa mu gace ka Manzau muri Kenge. Abayobozi bavuze ko yaguye mu kibanza cy’abantu, ariko amakuru ya mbere avuga ko nta

Kenge, RDC — Abantu 17 bapfuye nyuma y’uko indege nto yakoze impanuka mu mujyi wa Kenge, mu ntara ya Kwango, mu majyepfo ashyira uburengerazuba bwa Repubulika Iharanira Demokarasi ya Congo (RDC), ku wa Gatanu tariki ya 25 Nzeri 2026. Indege yakoraga urugendo ivuye i Kikwit mu ntara ya Kwilu yerekeza i Kinshasa. Amakuru yatangajwe n’ubuyobozi bw’intara ya Kwango avuga ko indege yagize ikibazo ubwo yari hejuru ya Kenge, maze umupilote ashakisha aho yayimanurira. Indege yaje kugwa mu gace ka Manzau muri Kenge. Abayobozi bavuze ko yaguye mu kibanza cy’abantu, ariko amakuru ya mbere avuga ko nta muntu wari hasi waguye muri iyo mpanuka. Mu bapfuye harimo abajenerali babiri bakuru mu Ngabo za RDC (FARDC). Radio Okapi yatangaje ko ari Lieutenant-General Joseph Mutombo Katalay Tiende, wari Perezida wa mbere w’Urukiko Rukuru rwa Gisirikare, na Lieutenant-General Lucien-René Likulia Bakumi, wari Umugenzuzi Mukuru w’Ingabo za RDC. Aba basirikare bari bagarutse bavuye mu butumwa bw’akazi i Kikwit, ubwo indege yabo yagwaga i Kenge. Nyuma y’impanuka, amakuru ya mbere yavugaga ko abantu 13 bari mu ndege bose bapfuye. Nyuma, ubuyobozi bw’intara ya Kwango bwatangaje ko imibiri 16 y’abantu bakuru n’iy’umwana umwe yabonetse, bituma umubare w’abapfuye ugera kuri 17. ACP yatangaje ko indege yari ifite abantu 13 bari abagenzi ndetse n’abakozi bane b’indege, ariko ko ibikorwa byo kumenya no kugenzura abahitanywe n’impanuka byakomeje. Ikigo gishinzwe iperereza ku mpanuka n’ibindi bibazo by’indege muri RDC cyatangaje ko cyatangiye iperereza ku mpanuka. Abashinzwe iperereza boherejwe aho indege yaguye kugira ngo bakusanye ibimenyetso bishobora gufasha kumenya icyateye impanuka. Abayobozi bavuze kandi ko hashakishwaga agasanduku k’umukara (black box) k’indege, gashobora gufasha abagenzuzi kumenya amakuru y’ingenzi yabaye mbere y’uko impanuka iba. Kugeza ubu, impamvu nyayo yatumye indege igira ikibazo ntiratangazwa, kuko iperereza rigikomeje. Abayobozi basabye ko ahabereye impanuka harindwa kugira ngo ibimenyetso bidahindurwa cyangwa ngo biburizwemo. Uwanditse: Rahab Iradukunda.