South sudan: "intambara n'inzara biravuza ubuhuha."

Imirwano ikomeje kwiyongera muri South Sudan, cyane cyane muri Leta ya Jonglei, iri kongera umubare w’abaturage bakeneye ubufasha bwihutirwa, mu gihe ikibazo cy’inzara n’imirire mibi na cyo gikomeje kuba gikomeye. Raporo yasohotse ku wa 8 Ukwakira 2026 igaragaza ko ibitaro bya gisirikare i Juba biri kwakira abarwayi benshi bakomerekeye mu mirwano, bigatuma ubushobozi bw’abaganga n’ibikoresho by’ubuvuzi burengerwa. Ishami rishinzwe kubaga abarwayi ryigeze gukora hejuru ya 160% by’ubushobozi bwaryo. Imirwano ikomeje ahanini hagati y’ingabo za Leta ya South Sudan n’abarwanya Leta, mu gihe umwuk

Imirwano ikomeje kwiyongera muri South Sudan, cyane cyane muri Leta ya Jonglei, iri kongera umubare w’abaturage bakeneye ubufasha bwihutirwa, mu gihe ikibazo cy’inzara n’imirire mibi na cyo gikomeje kuba gikomeye. Raporo yasohotse ku wa 8 Ukwakira 2026 igaragaza ko ibitaro bya gisirikare i Juba biri kwakira abarwayi benshi bakomerekeye mu mirwano, bigatuma ubushobozi bw’abaganga n’ibikoresho by’ubuvuzi burengerwa. Ishami rishinzwe kubaga abarwayi ryigeze gukora hejuru ya 160% by’ubushobozi bwaryo. Imirwano ikomeje ahanini hagati y’ingabo za Leta ya South Sudan n’abarwanya Leta, mu gihe umwuka wa politiki hagati ya Perezida Salva Kiir n’abashyigikiye uwahoze ari visi-perezida Riek Machar ukomeje kuba mubi. Ibi biri gutuma impungenge zo gusubira mu ntambara yagutse ziyongera kubatuye iki Gihugu. Umuryango w’Abibumbye ushinzwe ibiribwa, WFP, uvuga ko abantu bagera kuri miliyoni 7.8, barenga kimwe cya kabiri cy’abaturage ba South Sudan, bahura n’inzara ikabije. Abana barenga miliyoni 2.2 bari munsi y’imyaka itanu bafite imirire mibi ikabije. FAO ivuga ko abantu bagera ku 73,000 bari mu cyiciro gikabije cyane cy’inzara, kizwi nka IPC Phase 5. Hari kandi uturere tune muri Jonglei na Upper Nile dufite ibyago byo kugera ku nzara ikabije cyane mu gihe ibintu byarushaho kuba bibi. Ikibazo cyiyongera kubera kwimurwa kw’abaturage, imirwano, ibibazo by’ubukungu, imyuzure ndetse n’ingaruka z’intambara iri mu gihugu gituranyi cya Sudan. WFP ivuga kandi ko ikibazo cy’amikoro make y’imiryango itabara kiri gushyira ubuzima bw’abaturage benshi mu kaga WFP irasaba ko imiryango itabara ihabwa uburyo bwo kugera ku baturage mu turere twibasiwe n’imirwano. Umuryango uvuga ko hakenewe miliyoni 416 z’amadolari kugira ngo ubashe gukomeza ibikorwa by’ubutabazi kugeza muri Gashyantare 2027. South Sudan ikomeje guhura n’ibibazo byinshi icyarimwe: umutekano muke, kwimurwa kw’abaturage, inzara, imirire mibi, ubukungu budakomeye n’ibibazo by’ikirere. Iyo mirimo yose ikomatanyije ikomeje gushyira abaturage, cyane cyane abana n’imiryango yavuye mu byabo, mu kaga gakomeye.