Igihugu cy'u Bufaransa cyatangiye kuvana ingabo zabwo muri Niger nyuma y'amakimbirane hagati y'ibihugu byombi. Ku itariki 24 Nzeri nibwo Perezida w'u Bufaransa Emmanuel Macron yatangaje ko igihugu cye kigiye gukura ingabo muri Niger nyuma y'umuvano mubi watutuby kuva mu kwezi kwa Nyakanga ubwo Agatsiko ka gisirikare kahiritse ku butegetsi Perezida Mohamed Bazoum. Nyuma y'uko abo basirikare barashe ubutegetsi, amakimbirane yahise azamuka hagati y'ubutegetsi bw'i Niamey na Paris ndetse na Ambasaderi w'u Bufaransa muri Niger arirukanwa, ndetse basaba ko n'ingabo zari zimaze igihe mu gihugu zitang

Igihugu cy'u Bufaransa cyatangiye kuvana ingabo zabwo muri Niger nyuma y'amakimbirane hagati y'ibihugu byombi.

Ku itariki 24 Nzeri nibwo Perezida w'u Bufaransa Emmanuel Macron yatangaje ko igihugu cye kigiye gukura ingabo muri Niger nyuma y'umuvano mubi watutuby kuva mu kwezi kwa Nyakanga ubwo Agatsiko ka gisirikare kahiritse ku butegetsi Perezida Mohamed Bazoum.

Nyuma y'uko abo basirikare barashe ubutegetsi, amakimbirane yahise azamuka hagati y'ubutegetsi bw'i Niamey na Paris ndetse na Ambasaderi w'u Bufaransa muri Niger arirukanwa, ndetse basaba ko n'ingabo zari zimaze igihe mu gihugu zitangira kureba uko zasubira iwabo.

Kuri iyi wa Kane tariki 05 Nzeri, Minisiteri y'Ingabo mu Bufaransa yasohoye itangazo ivuga ko ingabo zabo 400 zari zikambitse ku mupaka wa Mali, Burkina Faso na Niger zatangiye kuva muri ibyo birindiro zijya mu Bufaransa. Izo Ngabo zari zimaze igihe muri Ako gace kabaye nk'amarembo y'Imitwe 'jihadists' yazengerej ibihugu biri mu gace ka Sahel.

Mu itangazo Minisiteri y'Ingabo mu Bufaransa ivuga ko imbogamizi ifite ari uburyo abasirikare 1000 bari mu mujyi wa Niamey bazahava kuko bafite ibikoresho byinshi birimo n'ibitagenda mu ndege.

Ingabo z'abafaransa zatangiye kuva muri Niger nyuma y'amakimbirane hagati y'ibihugu byombi.

A little more informed. A little more connected.