Ubuyobozi bw’Inama ihuza abo mu bukerarugendo ku Isi (World Travel and Tourism Council - WTTC), bwatangaje insanganyamatsiko nyamukuru y'Inama Mpuzamahanga y'ubukerarugendo igiye kubera mu Rwanda.  Mu Gushyingo kwa 2022 nibwo i Riyadh muri Arabia Saudite hatangajwe ko u Rwanda ruzakira Inama Mpuzamahanga y'Ubukerarugendo, ikaba aribwo bwa mbere izaba ibereye ku mugabane wa Afurika. Julia Simpson uyobora Ubuyobozi bw’Inama ihuza abo mu bukerarugendo ku Isi (World Travel and Tourism Council - WTTC) yavuze ko inama y'uyu mwaka izaba ari iya 23 izaba kuva tariki 1-3 Ugushyingo 2023, ku Insanganyam

Ubuyobozi bw’Inama ihuza abo mu bukerarugendo ku Isi (World Travel and Tourism Council - WTTC), bwatangaje insanganyamatsiko nyamukuru y'Inama Mpuzamahanga y'ubukerarugendo igiye kubera mu Rwanda. 

Mu Gushyingo kwa 2022 nibwo i Riyadh muri Arabia Saudite hatangajwe ko u Rwanda ruzakira Inama Mpuzamahanga y'Ubukerarugendo, ikaba aribwo bwa mbere izaba ibereye ku mugabane wa Afurika.

Julia Simpson uyobora Ubuyobozi bw’Inama ihuza abo mu bukerarugendo ku Isi (World Travel and Tourism Council - WTTC) yavuze ko inama y'uyu mwaka izaba ari iya 23 izaba kuva tariki 1-3 Ugushyingo 2023, ku Insanganyamatsiko nyamukuru igira igira iti "Building Bridges to a Sustainable Future”, cyangwa se "Twubake inzira igana ku hazaza harambye".

Inama ngarukamwaka ya WTTC ihuriza hamwe abayobozi ba za guverinoma zitandukanye ndetse n’abo mu bigo bikomeye mu Isi birimo iby’ubwikorezi, iby’ubucuruzi bisanzwe bigira uruhare runini mu rwego rw’ubukerarugendo.

Ibi bigamije, gutuma abari muri uru rwego bahuza imbaraga mu gutuma ubukerarugendo burushaho kuba urwego rwihagazeho, kugira umutekano ndetse no kurushaho kugira iterambere rirambye mu gihe kizaza.

Francis Gatare, Umuyobozi Mukuru w'ikigo cy'iterambere, RBD, yavuze ko u Rwanda rwishimiye kwakira Inama ya WTTC, ikaba izaba ibaye iya mbere ibereye ku mugabane wa Afurika. Gatare avuga ko izaba ibereye muri Afurika atari mu Rwanda gusa.

Umuyobozi wa RDB yagize ati: “Twishimiye kwakira inama ya mbere ya WTTC ibereye muri Afurika. Mu gihe iyi nama y'ingenzi izabera mu Rwanda, ni ku mugabane wose. Afurika ifite bimwe mu bintu bitangaje by’ubukerarugendo ku isi, kandi iki gice kigira uruhare runini mu iterambere ry’ubukungu bw’umugabane binyuze mu guhanga imirimo miliyoni".

Inama Mpuzamahanga y’Ubukerarugendo ya 23 igiye kubera mu Rwanda mu kwezi gutaha, nibwo bwa mbere izaba ibereye muri Afurika.

A little more informed. A little more connected.