U Rwanda rwifatanyije n'Isi kwizihiza umunsi Mpuzamahanga w'Ingoro Ndangamurage

Uyu munsi ku itariki 18 Gicurasi, U Rwanda rwifatanyije n'Isi muri rusange kwizihiza umunsi Mpuzamahanga w'Ingoro Ndangamurage , ku nsanganyamatsiko igira iti "Akamaro k'inzu ndangamurage mu iterambere rirambye".Ni umuhango wabereye ku nzu ndangamurage yahariwe ibidukikije ihereye mu Karere ka Karongi mu Burengerazuba. Uyu muhango wabanjirijwe n'ibikorwa byateguwe n'Inteko y'Ururimi n'Umuco, byarimo gusura ibigo by'amashuri , inzu ndangamurage ndetse no kwigisha abantu ibyiza by'ingoro ndangamurage. Kuri uyu munsi mu Karere ka Karongi habereye ibikorwa bitandukanye byabajirijwe no gufungura ku

Uyu muhango wabanjirijwe n'ibikorwa byateguwe n'Inteko y'Ururimi n'Umuco, byarimo gusura ibigo by'amashuri , inzu ndangamurage ndetse no kwigisha abantu ibyiza by'ingoro ndangamurage.

Kuri uyu munsi mu Karere ka Karongi habereye ibikorwa bitandukanye byabajirijwe no gufungura ku mugaragaro Inzu Ndangamurage y'Ibidukikije yafuguwe na Minisiteri wa MIN-UBUMWE, Dr Bizimana Jean Damascéne wari umushyitsi mukuru arikumwe na Ambasaderi Robert Masozera uyobora Inteko y'Umuco.

Mbere yuy’umuhango , Ambasaderi Robert Masozera, Umuyobozi mukuru wa RCHA, yagaragaje ko hari ibikorwa birambye n’ibyi gihe gito bikorwa mu ngoro ndangamurage umunani z'igihugu zirimo Ingoro y’Umwami( Rukari), Inzu Ndangamurage y’Ubuhanzi ya Rwesero, Inzu Ndangamurage y’igihugu, Inzu Ndangamurage ya Kandt, Inzu Ndangamurage y’u Rwanda y'ubugeni,Inzu Ndangamurage igaragaza urugamba rwo guhagarika Jenoside , Inzu Ndangamurage y'Ibidukikije ,Inzu Ndangamurage y'Urugamba rwo Kubohora i gihugu iri ku Mulindi.

Ambasaderi Masozera yavuze kandi ku bikorwa bigaragara byakozwe n'Inteko y'Ururimi n'Umuco . Muri ibyo bikorwa harimo ubufatanye na Google , gufatanya n'u rubyiruko binyuze mu mishinga iteza imbere umuco , no gufungura imurikagurisha ry’agateganyo mu ngoro ndangamurage zitandukanye.

Ingoro Ndangamurage z'u Rwanda ziracyafite ibibazo bitandukanye nk'uko Ambasaderi Robert Masozera yabitangaje. Masozera yashimangiye ko hakenewe ikoranabuhanga rinoze mu kubungabunga no kwerekana umurage w’u Rwanda, uruhare runini rw’abikorera ku giti cyabo, kongera ubushobozi bw’inyubako, no kuvugurura inzu ndangamurage zisanzweho.

Kugira ngo ibyo bibazo bikemuke, RHCA ifatanya cyane n’abaturage, cyane cyane urubyiruko, kubungabunga umurage ndangamuco w’u Rwanda no kuwuhindura iby'agaciro.

Umurage ndangamuco w' u Rwanda utezwa imbere cyane binyuze kuri teviziyo, amaradiyo, hamwe n’imbuga nkoranyambaga zitandukanye kugira ngo bikurure abashyitsi baturutse ku Isi hose.