Beau Neilson, umukobwa wa Kerr Neilson, umwe mu baherwe bakomoka muri Afurika y'Epfo, na Judith Neilson wavukiye muri Zimbabwe, yagurishije inzu ye y'akataraboneka i Sydney ku gaciro ka hafi miliyoni 8.5 z'Amadolari ya Amerika, amafaranga arenga inshuro enye ayo yayiguze mu mwaka wa 2012. Iyi nzu izwi nka The Pigeon Shed yari inyubako yahoze ikoreshwa nk'ububiko (warehouse) mbere yo kuvugururwa ikavamo inzu igezweho. Beau Neilson yayiguze mu 2012 ku mafaranga angana na A$3.1 miliyoni, ni ukuvuga hafi miliyoni 2 z'Amadolari ya Amerika, abifashijwemo n'ababyeyi be. Nyuma yo gukorana n'ikigo MCK

Beau Neilson, umukobwa wa Kerr Neilson, umwe mu baherwe bakomoka muri Afurika y'Epfo, na Judith Neilson wavukiye muri Zimbabwe, yagurishije inzu ye y'akataraboneka i Sydney ku gaciro ka hafi miliyoni 8.5 z'Amadolari ya Amerika, amafaranga arenga inshuro enye ayo yayiguze mu mwaka wa 2012.

Iyi nzu izwi nka The Pigeon Shed yari inyubako yahoze ikoreshwa nk'ububiko (warehouse) mbere yo kuvugururwa ikavamo inzu igezweho. Beau Neilson yayiguze mu 2012 ku mafaranga angana na A$3.1 miliyoni, ni ukuvuga hafi miliyoni 2 z'Amadolari ya Amerika, abifashijwemo n'ababyeyi be.

Nyuma yo gukorana n'ikigo MCK Architects, yahinduye iyi nyubako inzu y'igitangaza ifite ibyumba bitanu byo kuraramo, ubwiherero bune, pisine yo mu nzu, studio, ibyumba by'imurikabikorwa, ibiro ndetse n'aho kwakirira abashyitsi. Yanashyizwemo ikoranabuhanga rigezweho ririmo amashanyarazi akomoka ku mirasire y'izuba, uburyo bugezweho bwo gushyushya no gukonjesha inzu ndetse na ascenseur yo mu nzu yubakishijwe umuringa.

Beau Neilson yari yashyize iyi nzu ku isoko mu 2025 ayishakira A$19 miliyoni, ariko nyuma aza kugabanya igiciro kugeza kuri A$13 miliyoni mbere y'uko ibona umuguzi. Yagurishijwe ku wa 2 Nyakanga 2026 ku gaciro ka hafi A$13 miliyoni, bingana na miliyoni 8.5 z'Amadolari ya Amerika.

Kugurisha iyi nzu bikurikiye indi shoramari rikomeye Beau Neilson yakoze mu 2025, ubwo yaguraga inzu y'amateka iri ku nkengero z'amazi mu gace ka Double Bay ku gaciro ka A$20 miliyoni. Mushiki we Paris Neilson na we mu 2024 yagurishije umutungo wari muri Terrey Hills ku A$18.25 miliyoni, nyuma yo kuwugura mu 2009 ku A$5.25 miliyoni.

Umutungo w'uyu muryango wubatswe ahanini na Kerr Neilson, wavukiye i Johannesburg muri Afurika y'Epfo. Mu 1994 yashinze ikigo cy'ishoramari cya Platinum Asset Management, cyaje kuba kimwe mu bigo bikomeye by'ishoramari muri Australia. Kugeza ubu, umutungo we ukomeje kubarirwa hejuru ya miliyari imwe z'Amadolari ya Australia.

Judith Neilson, wahoze ari umugore wa Kerr Neilson, ni umuherwekazi wavukiye muri Zimbabwe uzwi cyane mu bikorwa by'ubugiraneza. Abinyujije mu Judith Neilson Foundation, ashyigikira imishinga y'ubuzima, uburezi n'iterambere mu bihugu bitandukanye bya Afurika birimo u Rwanda, Kenya, Uganda, Malawi, Zimbabwe na Afurika y'Epfo.

Nubwo Beau Neilson na mushiki we Paris batayobora ibikorwa by'ubucuruzi bikomeye muri Afurika, ibikorwa byabo mu ishoramari ry'imitungo no mu rwego rw'ubuhanzi bikomeje gukurikirwa cyane muri Australia, mu gihe inkomoko y'umutungo w'umuryango wabo n'ibikorwa by'ubugiraneza bya Judith Neilson bikomeza kuwuhuza n'umugabane wa Afurika.

A little more informed. A little more connected.