Urukiko Rukuru rwa Uganda rwategetse umunyapolitiki utavuga rumwe n'ubutegetsi, Kizza Besigye , hamwe n'abo bareganwa, guhitamo abunganizi mu mategeko baturutse ku rutonde rw'abunganizi batangwa na Leta (State Brief), nyuma y'uko ikibazo cy'ababunganira gikomeje kudindiza itangira ry'urubanza rw'ubugambanyi (treason) baregwamo. Icyemezo cyafashwe ku wa Mbere na Justice Emmanuel Baguma , nyuma y'uko Besigye abwiye urukiko ko kubura kw'abanyamategeko be byatewe n'inzego za Leta. Yasabye ko urubanza rutatangira mbere y'uko hakemurwa ibibazo birebana n'uburenganzira bwo kuburanishwa n'umwunganizi

Urukiko Rukuru rwa Uganda rwategetse umunyapolitiki utavuga rumwe n'ubutegetsi, Kizza Besigye, hamwe n'abo bareganwa, guhitamo abunganizi mu mategeko baturutse ku rutonde rw'abunganizi batangwa na Leta (State Brief), nyuma y'uko ikibazo cy'ababunganira gikomeje kudindiza itangira ry'urubanza rw'ubugambanyi (treason) baregwamo.

Icyemezo cyafashwe ku wa Mbere na Justice Emmanuel Baguma, nyuma y'uko Besigye abwiye urukiko ko kubura kw'abanyamategeko be byatewe n'inzego za Leta. Yasabye ko urubanza rutatangira mbere y'uko hakemurwa ibibazo birebana n'uburenganzira bwo kuburanishwa n'umwunganizi yihitiyemo, kubona ibimenyetso ubushinjacyaha bushingiraho ndetse n'inyandiko z'urukiko.

Mu cyemezo cye, Justice Baguma yavuze ko kuva uru rubanza rwatangira, abaregwa bari basanzwe bahagarariwe n'abanyamategeko bihitiyemo. Icyakora, yavuze ko ibibazo byakomeje kuvuka ku birebana n'ubwunganizi mu mategeko byatumye urubanza rusubikwa inshuro nyinshi.

Urukiko rwanzuye ko Besigye n'abo bareganwa bahitamo abunganizi mu mategeko baturutse ku rutonde rwa State Brief, kugira ngo urubanza rutazongera gutinza kubera amakimbirane ajyanye n'ubwunganizi.

Uru rubanza rukomeje gukurikiranwa cyane muri Uganda no ku rwego mpuzamahanga, aho abafana ba Besigye n'imiryango iharanira uburenganzira bwa muntu bakomeje gusaba ko yubahirizwa uburenganzira bwe bwo kuburanishwa mu buryo buboneye.

A little more informed. A little more connected.