Imbuto Foundation yatangije ‘Imbuto Hubs’, gahunda nshya igamije guhindura imibereho y’imiryango y’Abanyarwanda

Umuryango Imbuto Foundation watangije ku mugaragaro gahunda ya Imbuto Hubs , umushinga mushya ugamije gushyiraho ibigo bihuriza hamwe serivisi zitandukanye zifasha abana, urubyiruko n’abakuru kuzamura imibereho n’iterambere ry’imiryango yabo. Iki gikorwa cyabereye mu Murenge wa Nyamata mu Karere ka Bugesera kuri uyu wa 24 Nyakanga 2026, aho Madamu Jeannette Kagame yafunguye ku mugaragaro Imbuto Hub ya mbere. Iki kigo kizajya gitanga ku buntu serivisi zirimo ubujyanama ku buzima n’imibereho, amasomo y’ikoranabuhanga, amahugurwa y’imyuga, siporo, imyidagaduro, isomero, irerero ndetse n’ubujyana

Umuryango Imbuto Foundation watangije ku mugaragaro gahunda ya Imbuto Hubs, umushinga mushya ugamije gushyiraho ibigo bihuriza hamwe serivisi zitandukanye zifasha abana, urubyiruko n’abakuru kuzamura imibereho n’iterambere ry’imiryango yabo.

Iki gikorwa cyabereye mu Murenge wa Nyamata mu Karere ka Bugesera kuri uyu wa 24 Nyakanga 2026, aho Madamu

Jeannette Kagame

yafunguye ku mugaragaro Imbuto Hub ya mbere. Iki kigo kizajya gitanga ku buntu serivisi zirimo ubujyanama ku buzima n’imibereho, amasomo y’ikoranabuhanga, amahugurwa y’imyuga, siporo, imyidagaduro, isomero, irerero ndetse n’ubujyanama ku mishinga n’ubucuruzi. Imbuto Foundation yavuze ko gahunda ari ugushyiraho ahantu abaturage bashobora kubona serivisi zifasha kubaka ubushobozi bwabo no guteza imbere imibereho yabo. Nubwo gahunda yatangiriye i Bugesera, biteganyijwe ko izakomereza mu turere twa Kicukiro, Rwamagana na Muhanga mbere yo kwagurwa mu gihugu hose. Umuryango Imbuto Foundation ufite intego y’uko nibura buri karere kazaba gafite Imbuto Hub mu myaka itanu iri imbere. Umushinga wanatekerejwe mu gihe uwo muryango wizihizaga imyaka 25 umaze ukora ibikorwa biteza imbere ubuzima bw’Abanyarwanda, mu rwego rwo gukomeza kwegera abaturage no kubagezaho serivisi zijyanye n’ibyo bakeneye. Umuyobozi Mukuru wa Imbuto Foundation,

Shami Elodie

, yavuze ko Imbuto Hubs atari inyubako zisanzwe ahubwo ari ahantu hagamije kubaka umuryango ushingiye ku bufatanye. Yagaragaje ko impinduka zitezwe zitazaturuka ku nyubako ubwazo, ahubwo zizava ku bufatanye bw’abaturage, abafatanyabikorwa n’abajyanama bazazikoreramo. Ku ruhande rw’Akarere ka Bugesera, Umuyobozi wako

Richard Mutabazi

yavuze ko iki kigo kizafasha urubyiruko kwagura ubumenyi, guteza imbere impano no guhanga udushya, bityo kikaba kimwe mu bikorwaremezo bizagira uruhare mu iterambere rirambye ry’akarere n’Igihugu muri rusange.