Perezida Kagame yafashe mu mugongo Abanya-Guinée

Perezida Paul Kagame yihanganishije mugenzi we wa Guinée, Gen. Mamadi Doumbouya, n’Abanya-Guinée muri rusange, ku bw’isanganya riherutse kubera muri Stade, hagapfa ahantu 56. Abantu 56 bapfiriye muri Stade, nyuma y'imirwano n'imvururura byadutse hagati mu bafana b'ikipe za Labé na N’zérékoré, muri Guinée Conakry. Ibi byabaye ku Cyumweru tariki ya 1 Ukuboza 2024, ubwo muri Stade du 3 Avril de N’Zérékoré muri Guinée Conakry mu Mujyi wa N’Zérékoré, habaga umukino hagati y'ikipe ya Labé na N’zérékoré. Wari umukino wa nyuma mu Irushanwa ryashinzwe mu rwego rwo guha agaciro Perezida Général Mamad

Perezida Paul Kagame yihanganishije mugenzi we wa Guinée, Gen. Mamadi Doumbouya, n’Abanya-Guinée muri rusange, ku bw’isanganya riherutse kubera muri Stade, hagapfa ahantu 56. Abantu 56 bapfiriye muri Stade, nyuma y'imirwano n'imvururura byadutse hagati mu bafana b'ikipe za Labé na N’zérékoré, muri Guinée Conakry. Ibi byabaye ku Cyumweru tariki ya 1 Ukuboza 2024, ubwo muri Stade du 3 Avril de N’Zérékoré muri Guinée Conakry mu Mujyi wa N’Zérékoré, habaga umukino hagati y'ikipe ya Labé na N’zérékoré. Wari umukino wa nyuma mu Irushanwa ryashinzwe mu rwego rwo guha agaciro Perezida Général Mamadi Doumbouya, uyoboye igihugu. Ibinyamakuru by'imbere muri Guinée Conakry, byatangaje ko ubwo uwo mukino wari urimbanyije, abafana b'amakipe ku mpande zombi ntibemeranyije ku byemezo by'umusifuzi. Abo bafana bari muri Stade du 3 Avril de N’Zérékoré, baje kuva mu ntambara y'amagambo, batangira guterana amabuye. Uko guterana amabuye byatumye inzego z'umutekano zibahukamo, n'abo bararwana, bamwe bitaba imana abandi barakomereka. Mu butumwa yanyujije ku rubuga rwa X kuri uyu wa 4 Ukuboza 2024, Perezida Kagame yagize ati "Nihanganishije cyane umuvandimwe wanjye, Perezida General Mamadi Doumbouya n’abaturage ba Guinée ku bw’ubuzima bw’abantu bwaburiye mu isanganya ryabereye kuri stade muri N’Zérékoré." Akomeza agira ati "Twifatanyije n’imiryango y’ababuze ababo n’abaturage ba Guinée muri rusange". Umubano w'u Rwanda na Guinée umaze gushinga imizi, aho Abayobozi b'Ibihugu byombi bakomeje kugenderanira. Muri Mata 2023, Perezida Kagame yagendereye Conakry aganira na Perezida Mamadi Doumbouya, ndetse no mu muri Gicurasi 2024 yongera kuhagirira uruzinduko. Perezida Gen. Doumbouya nawe mu 2024 yagendereye u Rwanda inshuro ebyiri harimo uruzinduko yagiriye i Kigali tariki 25 Mutarama 2024, ari kumwe na Madamu we Laurianne Doumbouya, rugasozwa tariki 27 Mutarama ndetse agaruka no mu Irahira rya Perezida Kagame.