Perezida Kagame yihanganishije Emir wa Qatar wapfushije se, amwibutsa umurage w’iterambere yasize

Perezida wa Repubulika y’u Rwanda, Paul Kagame, yihanganishije Umuyobozi w’Ikirenga wa Qatar, Sheikh Tamim bin Hamad Al Thani, n’umuryango wose w’Abanya-Qatar nyuma y’urupfu rwa se, Sheikh Hamad bin Khalifa Al Thani. Sheikh Hamad bin Khalifa Al Thani, wabaye Emir wa Qatar kuva mu 1995 kugeza mu 2013, yapfuye kuri iki Cyumweru tariki ya 12 Nyakanga 2026. Impamvu y’urupfu rwe ntiratangazwa. Mu butumwa yanyujije ku rubuga rwa X, Perezida Kagame yavuze ko Sheikh Hamad azibukwa nk’umuyobozi w’icyerekezo wagize uruhare rukomeye mu guhindura Qatar igihugu gikomeye ku rwego mpuzamahanga. Yagize ati:

Perezida wa Repubulika y’u Rwanda, Paul Kagame, yihanganishije Umuyobozi w’Ikirenga wa Qatar, Sheikh Tamim bin Hamad Al Thani, n’umuryango wose w’Abanya-Qatar nyuma y’urupfu rwa se, Sheikh Hamad bin Khalifa Al Thani. Sheikh Hamad bin Khalifa Al Thani, wabaye Emir wa Qatar kuva mu 1995 kugeza mu 2013, yapfuye kuri iki Cyumweru tariki ya 12 Nyakanga 2026. Impamvu y’urupfu rwe ntiratangazwa. Mu butumwa yanyujije ku rubuga rwa X, Perezida Kagame yavuze ko Sheikh Hamad azibukwa nk’umuyobozi w’icyerekezo wagize uruhare rukomeye mu guhindura Qatar igihugu gikomeye ku rwego mpuzamahanga. Yagize ati: “Umurage we wo gukorera abaturage be no gushyira imbere ubucuti n’ubutwererane bw’ibihugu uzakomeza kubaho mu bisekuruza byinshi.” Perezida Kagame yongeyeho ko u Rwanda rwifatanyije n’Umwami Tamim bin Hamad Al Thani n’Abanya-Qatar muri ibi bihe by’akababaro. Mu myaka yamaze ku butegetsi, Sheikh Hamad bin Khalifa Al Thani yagize uruhare rukomeye mu iterambere rya Qatar, cyane cyane mu guteza imbere ubukungu bushingiye ku mutungo kamere w’ingufu no kongera ijambo ry’igihugu ku ruhando mpuzamahanga. Mu gihe cye, Qatar yateye intambwe ikomeye mu bijyanye n’ubukungu, ibikorwa remezo ndetse no gukomeza umubano n’ibindi bihugu. U Rwanda na Qatar bisanzwe bifitanye umubano ukomeye mu nzego zirimo ishoramari, ubwikorezi n’umutekano. Qatar iri mu bafatanyabikorwa mu mushinga w’Ikibuga cy’Indege cya Bugesera, umwe mu mishinga minini yitezweho kongera ubushobozi bw’u Rwanda mu bijyanye n’ubwikorezi bwo mu kirere.