Ikipe y’u Rwanda y’abatarengeje imyaka 15, Amavubi U-15, yamenye amakipe izahura nayo mu irushanwa rya mbere rya FIFA U-15 World Cup & Festival 2026, rizabera i Baku muri Azerbaijan. U Rwanda rwashyizwe mu Itsinda Y hamwe na Côte d’Ivoire, Vanuatu, Albania, Turks & Caicos Islands na Mauritania. Tombola yabaye ku wa 18 Nzeri 2026 , igaragaza uko amakipe azatangira irushanwa. Iri rushanwa ridasanzwe rizahuza amakipe y’abahungu U-15 ahagarariye 191 mu mashyirahamwe y’umupira w’amaguru ya FIFA. Amavubi U-15 azaba ahanganye na Côte d’Ivoire, igihugu cyo muri Afurika; Mauritania, nayo yo muri Afur

Ikipe y’u Rwanda y’abatarengeje imyaka 15, Amavubi U-15, yamenye amakipe izahura nayo mu irushanwa rya mbere rya FIFA U-15 World Cup & Festival 2026, rizabera i Baku muri Azerbaijan. U Rwanda rwashyizwe mu Itsinda Y hamwe na Côte d’Ivoire, Vanuatu, Albania, Turks & Caicos Islands na Mauritania. Tombola yabaye ku wa 18 Nzeri 2026, igaragaza uko amakipe azatangira irushanwa. Iri rushanwa ridasanzwe rizahuza amakipe y’abahungu U-15 ahagarariye 191 mu mashyirahamwe y’umupira w’amaguru ya FIFA. Amavubi U-15 azaba ahanganye na Côte d’Ivoire, igihugu cyo muri Afurika; Mauritania, nayo yo muri Afurika; Albania yo mu Burayi; Vanuatu yo muri Oceania; ndetse na Turks & Caicos Islands zo mu karere ka Karayibe. Ikindi gitandukanye ni uko iyi FIFA World Cup & Festival itazakinwa nk’igikombe cy’Isi gisanzwe. Amakipe azakina 8 kuri 8, buri mukino ugizwe n’ibice bibiri by’iminota 20. Buri kipe izabanza gukina imikino 4 cyangwa 5 mu cyiciro cya mbere, hanyuma ibisubizo bikagena icyiciro izakomerezamo. Iyi mikino izabera i Baku, Azerbaijan, kuva ku wa 22 kugeza ku wa 30 Ukwakira 2026, aho imikino myinshi izakinirwa kuri Hovsan Competition Complex, naho imikino ya nyuma y’ibyiciro ikabera kuri Crystal Hall. Ku Rwanda, iyi si imikino isanzwe gusa: ni amahirwe ku bakinnyi bato yo guhura n’abaturuka mu bihugu bitandukanye, kubona ubunararibonye mpuzamahanga no kwerekana impano zabo ku rwego rw’Isi.   UMWANDITSI: MUNYERAGWE Josue 

A little more informed. A little more connected.