U Rwanda rwahawe kuyobora Group of 77 na China (G77+China) mu mwaka wa 2027, nyuma yo kwakira ku mugaragaro inshingano zo kuyobora iri huriro rigizwe n’ibihugu 134 bikiri mu nzira y’amajyambere. U Rwanda ruzasimbura Uruguay, yari ifite izi nshingano mu 2026. Izi nshingano u Rwanda rwazakiriye ku wa 25 Nzeri 2026, mu nama ya 50 y’abaminisitiri b’ububanyi n’amahanga ba G77 yabereye i New York, ku ruhande rw’Inteko Rusange ya 81 y’Umuryango w’Abibumbye (UNGA81). Iyo nama yabaye ifite insanganyamatsiko igira iti “The Global South and the Future of Multilateralism”, igamije kurebera hamwe uruhare

U Rwanda rwahawe kuyobora Group of 77 na China (G77+China) mu mwaka wa 2027, nyuma yo kwakira ku mugaragaro inshingano zo kuyobora iri huriro rigizwe n’ibihugu 134 bikiri mu nzira y’amajyambere. U Rwanda ruzasimbura Uruguay, yari ifite izi nshingano mu 2026. Izi nshingano u Rwanda rwazakiriye ku wa 25 Nzeri 2026, mu nama ya 50 y’abaminisitiri b’ububanyi n’amahanga ba G77 yabereye i New York, ku ruhande rw’Inteko Rusange ya 81 y’Umuryango w’Abibumbye (UNGA81). Iyo nama yabaye ifite insanganyamatsiko igira iti “The Global South and the Future of Multilateralism”, igamije kurebera hamwe uruhare rw’ibihugu bikiri mu nzira y’amajyambere mu mikorere y’ubufatanye mpuzamahanga. G77 ni ihuriro ry’ibihugu bikiri mu nzira y’amajyambere ryashyizweho mu 1964, ritangijwe n’ibihugu 77. Nubwo umubare w’ibihugu byaryo wiyongereye ukagera kuri 134, izina G77 ryagumyeho kubera amateka yaryo. China na yo ikorana n’iri tsinda. Iri huriro rihuza ibihugu mu kuganira no guhuza imyanya ku bibazo bikomeye bireba iterambere, ubukungu, ubucuruzi, imihindagurikire y’ikirere n’ibindi bibazo biganirwaho mu rwego mpuzamahanga. Ibihugu bigize G77+China bihagarariye abarenga 80% by’abatuye isi. Minisitiri w’Ububanyi n’Amahanga n’Ubutwererane w’u Rwanda, Olivier Nduhungirehe, yavuze ko u Rwanda rwemeye inshingano ruhabwa n’ibihugu 134 bigize iri huriro. Yavuze ko u Rwanda ruzakorana n’ibihugu bigize G77, Ubunyamabanga bwa G77 ndetse n’abafatanyabikorwa bayo, mu rwego rwo guteza imbere inyungu rusange z’ibihugu bikiri mu nzira y’amajyambere. Minisitiri Nduhungirehe kandi yavuze ko u Rwanda ruzibanda ku guhuza ibihugu bigize iri tsinda, guteza imbere imyanya bihuriraho no kurengera inyungu rusange z’ibihugu bikiri mu nzira y’amajyambere mu biganiro mpuzamahanga. U Rwanda si rushya muri iri huriro. Ruri mu bihugu byashinze G77 mu 1964, ubwo iri tsinda ryashingwaga i Geneva ku wa 15 Kamena 1964.  Minisitiri Nduhungirehe yavuze ko kuba u Rwanda rwaragize uruhare mu ishingwa rya G77 bituma rufite amateka n’ubunararibonye mu bikorwa by’iri huriro. Mu mwaka wa 2027, u Rwanda ruzaba rufite inshingano zo guhuza ibikorwa by’iri huriro no kuba umuvugizi waryo mu rwego mpuzamahanga. Intego ni ugufasha ibihugu bigize G77+China guhuza imyanya ku bibazo bireba iterambere n’ubufatanye mpuzamahanga. Umuryango wa G77 ukora binyuze mu biganiro n’imishyikirano mu nzego zitandukanye za Loni, harimo ibibazo by’ubukungu n’iterambere. Ufite kandi amashami akorera mu mijyi itandukanye irimo Geneva, Nairobi, Paris, Rome, Vienna na Washington, D.C. U Rwanda rwashimiye Uruguay, igihugu cyayoboye G77 muri 2026, ku ruhare rwacyo mu guteza imbere ibiganiro ku bufatanye mu bukungu mpuzamahanga no ku bufatanye hagati y’ibihugu bikiri mu nzira y’amajyambere. U Rwanda ruzatangira manda yarwo yo kuyobora G77 mu 2027, aho ruzaba ruhagarariye ihuriro rifite ibihugu 134 bigize uyu muryango w’ibihugu bikiri mu nzira y’amajyambere. Uwanditse: rahab iradukunda

A little more informed. A little more connected.