Impuzamashyirahamwe y'Umukino w'Amagare ku Isi (UCI) n'u Rwanda byatangije ku mugaragaro ibikorwa byo kwakira Shampiyona y'Isi izabera i Kigali mu 2025. Ku itariki 23 Nzeri 2021 nibwo Impuzamashyirahamwe y'Umukino w'Amagare ku Isi yafashe umwanzuro wo kemerera u Rwanda kuzakira Shampiyona y'Isi mu mukino w'Amagare kuva tariki ya 21-28 Nzeri 2025. Ibi byaje nyuma y'uko muri Nzeri 2019 abari bahagarariye Leta y’u Rwanda n’Ishyirahamwe ry’Umukino w’Amagare mu Rwanda (FERWACY), bagejeje ubusabe mu Ishyirahamwe ry’Umukino w’Amagare ku Isi (UCI), basaba ko Umujyi wa Kigali wazakira Shampiyona y’Isi

Impuzamashyirahamwe y'Umukino w'Amagare ku Isi (UCI) n'u Rwanda byatangije ku mugaragaro ibikorwa byo kwakira Shampiyona y'Isi izabera i Kigali mu 2025.

Ku itariki 23 Nzeri 2021 nibwo Impuzamashyirahamwe y'Umukino w'Amagare ku Isi yafashe umwanzuro wo kemerera u Rwanda kuzakira Shampiyona y'Isi mu mukino w'Amagare kuva tariki ya 21-28 Nzeri 2025.

Ibi byaje nyuma y'uko muri Nzeri 2019 abari bahagarariye Leta y’u Rwanda n’Ishyirahamwe ry’Umukino w’Amagare mu Rwanda (FERWACY), bagejeje ubusabe mu Ishyirahamwe ry’Umukino w’Amagare ku Isi (UCI), basaba ko Umujyi wa Kigali wazakira Shampiyona y’Isi ya 2025.

Kuri uyu wa Kane tariki 21 Nzeri 2023 muri Kigali Convention center habereye ibikorwa byo gutangiza ku mugaragaro gahunda zo kuzakira iyo Shampiyona y'Isi.

Ni igikorwa cyari cyitabiriwe na Minisitiri wa Siporo, Munyangaju Aurore Mimosa, Umuyobozi Mukuru wa UCI, Amina Lanaya na Perezida w'Agateganyo wa FERWACY, Kayirebwa Liliane.

Mu ijambo rye Minisitiri Munyangaju yavuze ko uyu munsi ari igikorwa gikomeye ku mukino a'amagare mu Rwanda kuko bitegura kuzakira isiganwa rya mbere ku Isi.

" Igikorwa cy'uyu munsi ni intambwe ikomeye ku mukino w'amagare mu Rwanda, ubwo mu gihugu cyacu twitegura kwakira isiganwa rya mbere ku Isi".

Minisitiri Aurore Munyangaju yavuze ko intego u Rwanda rufite ari ugutuma irushanwa rigenda neza kandi rigasigira urwibutso rwiza abazaryitabira.

Perezida w'Agateganyo wa FERWACY, Kayirebwa Liliane, Minisitiri wa Siporo, Aurore Munyangaju na Amina Lanaya, umuyobozi wa UCI batangiza ibikorwa bya Shampiyona y'Isi izabera mu Rwanda.

Minisitiri Aurore Mimosa Munyangaju, Umuyobozi wa UCI n'Umunyamabanga wa Leta muri Minisiteri ya Siporo, Niyonkuru Zephanie

Ni umuhango wabereye muri Kigali Convention Center wibatirwa n'abantu benshi.

Minisitiri Aurore Mimosa Munyangaju ageza ijambo ku bitabiriye uwo muhango.

A little more informed. A little more connected.