Amakipe akina shampiyona y'Umupira w'Amaguru muri Arabie Saoudite yatangiye kubaka amakipe y'abari n'abategarugori nyuma y'uko yahereye ku kubaka amakipe y'abagabo. Ikipe ya Al-Ittihad iherutse kugura abakinnyi bakomeye barimo Karim Mostafa Benzema, N'Golo Kante na Fabinho, ubu yatangiye no kubaka Ikipe y'abari n'abategarugori igura abakinnyi bakomeye. Iyi kipe ya Al-Ittihad yamaze kugura Ashleigh Plumptre Umunya-Nigeria wavukiye mu Bwongereza ndetse akanakira amakipe y'abato y'icyo gihugu. Ashleigh Plumptre w'imyaka 25 y'amavuko yigaragarije mu mikino y'Igikombe cy'Isi cy'abari n'abategarugor

Amakipe akina shampiyona y'Umupira w'Amaguru muri Arabie Saoudite yatangiye kubaka amakipe y'abari n'abategarugori nyuma y'uko yahereye ku kubaka amakipe y'abagabo.

Ikipe ya Al-Ittihad iherutse kugura abakinnyi bakomeye barimo Karim Mostafa Benzema, N'Golo Kante na Fabinho, ubu yatangiye no kubaka Ikipe y'abari n'abategarugori igura abakinnyi bakomeye.

Iyi kipe ya Al-Ittihad yamaze kugura Ashleigh Plumptre Umunya-Nigeria wavukiye mu Bwongereza ndetse akanakira amakipe y'abato y'icyo gihugu.

Ashleigh Plumptre w'imyaka 25 y'amavuko yigaragarije mu mikino y'Igikombe cy'Isi cy'abari n'abategarugori cyaherukaga kubera muri New Zealand na Australia. Uyu mwari wakiniraga Ikipe ya Leicester City Women Football Club mu Bwongereza yamaze kwerekeza muri Al-Ittihad ikina Shampiyona y'abari n'abategarugori muri Arabie Saoudite.

Iyi kipe ya Al-Ittihad umwaka w'imikino ushize yari yarabaye iya gatanu mu makipe umunani yakinnye umwaka w'imikino.

Ashleigh Plumptre ukinira ikipe y'Igihugu ya Nigeria yamaze kujya gukina muri Al-Ittihad.

A little more informed. A little more connected.