Umusifuzi Slavko Vinčić yasezeye burundu ku gusifura umupira w'amaguru Ishyirahamwe ry'Umupira w'Amaguru muri Slovenia (NZS) ryemeje ku mugaragaro ko umusifuzi mpuzamahanga Slavko Vinčić yasezeye ku mwuga wo gusifura, asoje urugendo rwe rwabaye urw'amateka afite imyaka 46 y'amavuko. Vinčić afashe iki cyemezo nyuma y'iminsi mike ayoboye umukino wa nyuma w'Igikombe cy'Isi cya 2026 wahuje Espagne na Argentine, umukino wabaye impinga y'umwuga we ndetse ukamugira Umunya-Slovenia wa mbere wayoboye umukino wa nyuma w'Igikombe cy'Isi. Mu myaka irenga 16 yamaze ari ku rwego rwo hejuru rw'ubusifuzi,

Umusifuzi Slavko Vinčić yasezeye burundu ku gusifura umupira w'amaguru Ishyirahamwe ry'Umupira w'Amaguru muri Slovenia (NZS) ryemeje ku mugaragaro ko umusifuzi mpuzamahanga Slavko Vinčić yasezeye ku mwuga wo gusifura, asoje urugendo rwe rwabaye urw'amateka afite imyaka 46 y'amavuko. Vinčić afashe iki cyemezo nyuma y'iminsi mike ayoboye umukino wa nyuma w'Igikombe cy'Isi cya 2026 wahuje Espagne na Argentine, umukino wabaye impinga y'umwuga we ndetse ukamugira Umunya-Slovenia wa mbere wayoboye umukino wa nyuma w'Igikombe cy'Isi. Mu myaka irenga 16 yamaze ari ku rwego rwo hejuru rw'ubusifuzi, Slavko Vinčić yasifuye imikino myinshi ikomeye ku rwego mpuzamahanga. Muri yo harimo umukino wa nyuma wa UEFA Champions League 2024, uwa UEFA Europa League, ndetse n'amarushanwa atandukanye ya UEFA na FIFA, ibintu byatumye aba umwe mu basifuzi bubashywe cyane ku Isi. Nubwo umukino wa nyuma w'Igikombe cy'Isi wa 2026 wavuzweho impaka kubera ubushyamirane bwawuranzemo, Ishyirahamwe ry'Umupira w'Amaguru muri Slovenia ryashimiye Vinčić ku ruhare yagize mu guteza imbere ubusifuzi no kuzamura isura y'igihugu cye ku rwego mpuzamahanga. Uku gusezera kwe gusize amateka akomeye mu mupira w'amaguru, aho benshi bamufata nk'umwe mu basifuzi beza Slovenia yigeze igira ndetse no mu bazibukwa mu busifuzi mpuzamahanga.

A little more informed. A little more connected.