Amavubi yatangiye neza gushaka itike ya AFCON 2027

Ikipe y’u Rwanda, Amavubi yatangiye neza urugendo rwo gushaka itike y’Igikombe cya Afurika cya 2027, itsinda Liberia ibitego 3-1 mu mukino wabereye kuri Stade Amahoro ku wa 25 Nzeri 2026, mu umukino witabiriwe n’Umukuru w’Igihugu, Perezida Paul Kagame. Biramahire Abeddy, Leroy Jacques Mickels na Joy-Lance Mickels ni bo batsindiye Amavubi, ayobora umukino kuva ku ntangiriro kugeza ku musozo. Joy-Lance Mickels yatsinze igitego cye cya mbere mu mikino itatu amaze gukinira Amavubi. Umuvandimwe we Leroy Jacques Mickels na we yakomeje kwigaragaza, kuko amaze gutsinda ibitego bitatu mu mikino itatu

Ikipe y’u Rwanda, Amavubi yatangiye neza urugendo rwo gushaka itike y’Igikombe cya Afurika cya 2027, itsinda Liberia ibitego 3-1 mu mukino wabereye kuri Stade Amahoro ku wa 25 Nzeri 2026, mu umukino witabiriwe n’Umukuru w’Igihugu, Perezida Paul Kagame. Biramahire Abeddy, Leroy Jacques Mickels na Joy-Lance Mickels ni bo batsindiye Amavubi, ayobora umukino kuva ku ntangiriro kugeza ku musozo. Joy-Lance Mickels yatsinze igitego cye cya mbere mu mikino itatu amaze gukinira Amavubi. Umuvandimwe we Leroy Jacques Mickels na we yakomeje kwigaragaza, kuko amaze gutsinda ibitego bitatu mu mikino itatu. Leroy kandi yagize uruhare ku gitego cya mbere cy’u Rwanda, ubwo yatangaga umupira wavuyemo igitego cya Biramahire Abeddy. Byiringiro Jean Gilbert uzwi nka Kagege na we yagize umukino mwiza, aho yaremye amahirwe yavuyemo igitego cya Leroy. Iyi ntsinzi yahaye Amavubi amanota atatu mbere yo kwerekeza muri Cape Verde, aho azakina na Cape Verde i Praia ku wa 29 Nzeri 2026, mu mukino wa kabiri wo gushaka itike ya AFCON 2027. U Rwanda ruheruka gukina imikino ya nyuma y’Igikombe cya Afurika mu 2004, aho rwitabiriye irushanwa ku nshuro imwe rukumbi mu mateka yarwo.

umukino witabiriwe n’Umukuru w’Igihugu, Perezida Paul Kagame

Amavubi, yatangiye neza urugendo rwo gushaka itike y’Igikombe cya Afurika cya 2027