Anthony Gordon yasinye imyaka itanu muri FC Barcelona

Rutahizamu w’Umwongereza, Anthony Gordon, yabaye umukinnyi mushya wa FC Barcelona yo muri Espagne nyuma yo gusinya amasezerano y’inyaka itanu azamugeza mu mpeshyi ya 2031. Uyu musore w’imyaka 25 y’amavuko yerekeje i Camp Nou avuye muri Newcastle United yo mu Bwongereza. Yamuritswe ku mugaragaro ku wa Gatanu binyuze ku miyoboro y’itumanaho ya FC Barcelona, by’umwihariko kuri YouTube. Nubwo FC Barcelona itatangaje ku mugaragaro amafaranga yaguze uyu mukinnyi, amakuru ava mu nshuti za hafi z’amakipe yombi avuga ko yaguzwe miliyoni 69.3 z’Amapawundi (£69.3m). Aya mafaranga yatumye Newcastle Uni

Rutahizamu w’Umwongereza, Anthony Gordon, yabaye umukinnyi mushya wa FC Barcelona yo muri Espagne nyuma yo gusinya amasezerano y’inyaka itanu azamugeza mu mpeshyi ya 2031. Uyu musore w’imyaka 25 y’amavuko yerekeje i Camp Nou avuye muri Newcastle United yo mu Bwongereza. Yamuritswe ku mugaragaro ku wa Gatanu binyuze ku miyoboro y’itumanaho ya FC Barcelona, by’umwihariko kuri YouTube. Nubwo FC Barcelona itatangaje ku mugaragaro amafaranga yaguze uyu mukinnyi, amakuru ava mu nshuti za hafi z’amakipe yombi avuga ko yaguzwe miliyoni 69.3 z’Amapawundi (£69.3m). Aya mafaranga yatumye Newcastle United ibona inyungu ishimishije, kuko yari yaraguze Gordon muri Everton muri Mutarama 2023 ku mafaranga angana na miliyoni 45 z’Amapawundi (£45m). Mu magambo ye ya mbere nyuma yo kwambara umwambaro wa Blaugrana, Gordon yavuze ko gusinyira FC Barcelona ari inzozi zabaye impamo. Yagize ati: “Kwambara umwambaro wa FC Barcelona ni inzozi zibaye impamo. Ni ikipe ifite amateka akomeye kandi ihora ihatanira ibikombe. Niteguye gutanga umusanzu wanjye wose no gufasha bagenzi banjye gukomeza guhesha ishema iyi kipe ndetse no kugera ku ntsinzi zikomeye.” Gordon ageze muri FC Barcelona mu gihe iyi kipe ikomeje kwiyubaka no kongera imbaraga mu rwego rwo gukomeza guhatanira ibikombe bikomeye muri Espagne no ku mugabane w’u Burayi.