Ikipe ya APR FC binyuze muri Perezida wayo Lt Col Richard Karasira yahamije ko abakozi batatu b'ikipe bafunzwe. Kuri uyu wa Kane tariki 13 Nzeri, ubuyobozi bwa APR FC bwagiranye ikiganiro n'itangazamakuru cyagarutse ku myiteguro y'ikipe yitegura gukina na Pyramid FC yo mu Misiri mu mukino w'ijonjora rya kabiri rya CAF Champions League. Muri iki kiganiro kandi Itangazamakuru ryabajije Perezida wa APR FC ibivugwa koko niba hari abakozi batatu ba APR FC bafunzwe, Umuyobozi Mukuru wa APR FC, Lt Col Richard Karasira yemeje ko koko Mupenzi Eto’o wari ushinzwe kugura abakinnyi, Maj. Uwanyirimpuhwe Je

Ikipe ya APR FC binyuze muri Perezida wayo Lt Col Richard Karasira yahamije ko abakozi batatu b'ikipe bafunzwe.

Kuri uyu wa Kane tariki 13 Nzeri, ubuyobozi bwa APR FC bwagiranye ikiganiro n'itangazamakuru cyagarutse ku myiteguro y'ikipe yitegura gukina na Pyramid FC yo mu Misiri mu mukino w'ijonjora rya kabiri rya CAF Champions League.

Muri iki kiganiro kandi Itangazamakuru ryabajije Perezida wa APR FC ibivugwa koko niba hari abakozi batatu ba APR FC bafunzwe, Umuyobozi Mukuru wa APR FC, Lt Col Richard Karasira yemeje ko koko Mupenzi Eto’o wari ushinzwe kugura abakinnyi, Maj. Uwanyirimpuhwe Jean Paul wari Team Manager na Maj. Nahayo Ernest wari umuganga bafunzwe ndetse ahamya ko aba bakozi bari bakwiriye gufungwa.

Umuyobozi Mukuru wa APR FC yagize ati "Nibyo koko Mupenzi Eto’o wari ushinzwe kugura abakinnyi, Maj. Uwanyirimpuhwe Jean Paul wari Team Manager na Maj. Nahayo Ernest wari umuganga barafunzwe kandi twemera ko bari bakwiriye gufungwa”.

Mu minsi yashize Radio Flash FM mu kiganiro cyayo ‘Program umufana’ yatangaje ko aba bagabo bakurikiranweho icyaha bakoze ubwo APR FC yiteguraga umukino wo kwishyura na Kiyovu Sports mu Gikombe cy’Amahoro.

Amakuru avuga ko bacuze umugambi wo guha abakinnyi ba Kiyovu Sports ibintu byo kunywa mu mutobe kugira ngo bizabace intege mu mukino.

Muri uyu mukino Ikipe ya APR FC yatsinze Kiyovu Sports ibitego 2-1, iyisezerera ku giteranyo cy’ibitego 3-2.

Itegeko riteganya ko uwahamijwe n’urukiko iki cyaha, ahanishwa igifungo kitari munsi y’imyaka ibiri ariko kitarenze imyaka itatu n’ihazabu y’amafaranga y’u Rwanda atari munsi y’ibihumbi 300 Frw ariko atarenze ibihumbi 500 Frw.

Iyo ikintu cyatanzwe giteye indwara idakira, ukudashobora kugira icyo umuntu yikorera burundu cyangwa ukudashobora gukoresha na busa urugingo rw’umubiri, igihano kiba igifungo kitari munsi y’imyaka 20 ariko kitarenze 25 n’ihazabu y’amafaranga y’u Rwanda arenze ibihumbi 500 Frw ariko atarenze miliyoni imwe.

Mupenzi Eto'o ufunganywe n'abandi bakozi 2 ba APR FC.

A little more informed. A little more connected.