APR FC yasinyishije umunyamahanga wa 4

Ikipe ya APR FC yatangaje ko yasinyishije umunyamahanga wa 4 muri iyi kipe nyuma y'uko ivuye kuri politike yo gukinisha abanyarwanda gusa. Mu ijoro ryo kuwa Gatanu rishyira kuwa Gatandatu nibwo ikipe ya APR FC yatangaje ko isinyishije umurundi Nshimirimana Ismael Pitchou aba abaye umunyamahanga wa mbere usinyiye APR FC nyuma y'imyaka 11. Ku munsi wo ku wa Gatandatu, mu masaha ya mu gitondo ikipe ya APR FC yatangaje ko yasinyishije Umugande Taddeo Lwanga. Lwanga w'imyaka 29 y'amavuko akina mu kibuga hagati yaje muri APR FC nyuma yo gukinira amakipe arimo Simba SC muri Tanzania na Arta/ Solar y

Ikipe ya APR FC yatangaje ko yasinyishije umunyamahanga wa 4 muri iyi kipe nyuma y'uko ivuye kuri politike yo gukinisha abanyarwanda gusa.

Mu ijoro ryo kuwa Gatanu rishyira kuwa Gatandatu nibwo ikipe ya APR FC yatangaje ko isinyishije umurundi Nshimirimana Ismael Pitchou aba abaye umunyamahanga wa mbere usinyiye APR FC nyuma y'imyaka 11.

Ku munsi wo ku wa Gatandatu, mu masaha ya mu gitondo ikipe ya APR FC yatangaje ko yasinyishije Umugande Taddeo Lwanga.

Lwanga w'imyaka 29 y'amavuko akina mu kibuga hagati yaje muri APR FC nyuma yo gukinira amakipe arimo Simba SC muri Tanzania na Arta/ Solar yo muri Djibouti.

Mu ijoro rya keye APR FC itangazo ko yasinyishije umuzamu mushya witwa Pavelh Ndzila ukomoka mu gihugu cya Congo Brazaville, asinya imyaka ibiri mu ikipe y'ingabo.

Mu gitondo cyo kuri uyu wa Mbere, APR FC yasinyishije umunyamahanga wa 4 aba abaye umukinnyi wa 5 mushya winjiye mu ikipe kuko Hari habanje kwinjira Ndikumana Danny.

Umukinnyi APR yasinyishije ni titahizamu Victor Mbaoma ukomoka muri Nigeria akaba yasinye imyaka ibiri. Victor afite imyaka 27 y'amavuko akaba avuye mu ikipe ya Katsina United.