APR FC yagarutse mu rugamba rwa CECAFA Kagame Cup 2026 itsinda Garde Républicaine FC yo muri Djibouti ibitego 3-1 mu mukino w'umunsi wa kabiri w'Itsinda A wabereye kuri Kigali Pele Stadium. Nubwo iyi ntsinzi yahesheje Ikipe y'Ingabo amanota atatu ya mbere muri iri rushanwa, iracyafite urugamba rukomeye rwo gushaka itike ya ½. APR FC yinjiye muri uyu mukino isabwa kwitwara neza nyuma yo gutsindwa na Gor Mahia FC ibitego 5-0 mu mukino ubanza. Ku munota wa 33, kapiteni Djibril Ouattara yafunguye amazamu ku mupira mwiza wa William Mel Togui. Nyuma y'iminota irindwi gusa, Ouattara yongeye kunyegany

APR FC yagarutse mu rugamba rwa CECAFA Kagame Cup 2026 itsinda Garde Républicaine FC yo muri Djibouti ibitego 3-1 mu mukino w'umunsi wa kabiri w'Itsinda A wabereye kuri Kigali Pele Stadium. Nubwo iyi ntsinzi yahesheje Ikipe y'Ingabo amanota atatu ya mbere muri iri rushanwa, iracyafite urugamba rukomeye rwo gushaka itike ya ½.

APR FC yinjiye muri uyu mukino isabwa kwitwara neza nyuma yo gutsindwa na Gor Mahia FC ibitego 5-0 mu mukino ubanza. Ku munota wa 33, kapiteni Djibril Ouattara yafunguye amazamu ku mupira mwiza wa William Mel Togui. Nyuma y'iminota irindwi gusa, Ouattara yongeye kunyeganyeza inshundura atsinda igitego cya kabiri, mbere y'uko Mamadou Traore atsinda icya gatatu mu minota y'inyongera y'igice cya mbere.

Mu gice cya kabiri, APR FC yakomeje gusatira ishaka kongera umubare w'ibitego kugira ngo izamure umwenda w'ibitego mu itsinda. Djibril Ouattara, Hakim Kiwanuka na Rubuguza Jean Pierre babonye uburyo bwinshi, ariko bananirwa kububyaza umusaruro.

Ku munota wa 86, Maarouf Abass Abaneh yatsindiye Garde Républicaine igitego cy'impozamarira, umukino urangira APR FC yatsinze 3-1.

Nyuma y'uyu mukino, APR FC ifite amanota atatu n'umwenda w'ibitego mwiza, ariko iracyari inyuma ya Vipers SC iyoboye Itsinda A n'amanota atandatu. Gor Mahia na yo ifite amanota atatu ndetse ikarusha APR umwenda w'ibitego.

APR FC izasoreza amatsinda ihura na Vipers SC ku wa Kane, umukino uzagena amahirwe yayo yo kugera muri ½. Kugira ngo ikomeze, izasabwa gutsinda Vipers no gutegereza uko Gor Mahia izitwara imbere ya Garde Républicaine, bityo ikizere cyo gukomeza kikaba kigihari ariko gisaba umusaruro mwiza mu mukino wa nyuma.

A little more informed. A little more connected.