CECAFA U17: Somalia yasezereye Tanzania hifashishijwe igiceri

Ikipe y’igihugu ya Somalia y’abatarengeje imyaka 17 yasezereye Tanzania mu irushanwa rya CECAFA U17 riri kubera mu Rwanda, nyuma yo kunganya amanota n’ibipimo by’ibitego, bigasaba gukoresha igiceri kugira ngo hamenyekane ikipe ikomeza. Ibi byabaye ku wa Gatatu, tariki ya 14 Ukwakira 2026, nyuma y’uko Somalia na Tanzania binganyije amanota n’ibipimo by’ibitego mu mikino yo mu Itsinda C. Ku wa Mbere, tariki ya 12 Ukwakira 2026, amakipe yombi yari yanganyije igitego 1-1 mu mukino wabereye kuri Kigali Pelé Stadium. Somalia yari yabonye igitego cya mbere ku munota wa mbere, gitsinzwe na Abdikarin A

Ikipe y’igihugu ya Somalia y’abatarengeje imyaka 17 yasezereye Tanzania mu irushanwa rya CECAFA U17 riri kubera mu Rwanda, nyuma yo kunganya amanota n’ibipimo by’ibitego, bigasaba gukoresha igiceri kugira ngo hamenyekane ikipe ikomeza. Ibi byabaye ku wa Gatatu, tariki ya 14 Ukwakira 2026, nyuma y’uko Somalia na Tanzania binganyije amanota n’ibipimo by’ibitego mu mikino yo mu Itsinda C. Ku wa Mbere, tariki ya 12 Ukwakira 2026, amakipe yombi yari yanganyije igitego 1-1 mu mukino wabereye kuri Kigali Pelé Stadium. Somalia yari yabonye igitego cya mbere ku munota wa mbere, gitsinzwe na Abdikarin Abdulkadir, mbere y’uko Tanzania yishyura kuri penaliti yinjijwe na kapiteni wayo Elick Yusuph ku munota wa 24. Nyuma yo kunganya amanota n’ibipimo by’ibitego, hifashishijwe igiceri mu kugena ikipe iza ku mwanya wa mbere mu itsinda. Somalia ni yo yatsinze tombola y’igiceri, ihita ikomeza, mu gihe Tanzania yasezerewe.