Dore impamvu abakinnyi b'u Bufaransa baserutse mu myambaro y'ikipe y'abagore _ AMAFOTO

Abakinnyi b'ikipe y'Igihugu y'umupira w'amaguru y'u Bufaransa baserutse bambaye imyambaro y'ikipe y'Igihugu y'abagore, ubwo bari bagiye gukina umukino n'u Bugereki. Mu ijoro ryakeye ikipe y'Igihugu y'u Bufaransa yakinaga umukino n'u Bugereki mu gushaka itike y'igikombe cy'Uburayi 2024. Aya makipe yombi ahuriye mu itsinda B yacakiraniye kuri Stade de France , maze u Bufaransa butsinda igitego kimwe ku busa cyatsinzwe na Kylian Mbappé kuri penaliti ku munota wa 55. Kimwe mu bintu byaranze uyu mukino ni uburyo abakinnyi b'u Bufaransa mbere y'umukino ubwo bari baje mu myitozo yo kwishyushya( Warm

Abakinnyi b'ikipe y'Igihugu y'umupira w'amaguru y'u Bufaransa baserutse bambaye imyambaro y'ikipe y'Igihugu y'abagore, ubwo bari bagiye gukina umukino n'u Bugereki.

Mu ijoro ryakeye ikipe y'Igihugu y'u Bufaransa yakinaga umukino n'u Bugereki mu gushaka itike y'igikombe cy'Uburayi 2024. Aya makipe yombi ahuriye mu itsinda B yacakiraniye kuri Stade de France , maze u Bufaransa butsinda igitego kimwe ku busa cyatsinzwe na Kylian Mbappé kuri penaliti ku munota wa 55.

Kimwe mu bintu byaranze uyu mukino ni uburyo abakinnyi b'u Bufaransa mbere y'umukino ubwo bari baje mu myitozo yo kwishyushya( Warm-ups) baje bambaye imipira isanzwe y'ambarwa n'ikipe y'Igihugu yabo y'abagore.

Abakinnyi b'u Bufaransa baserutse bambaye imyambaro y'ikipe y'abagore muri Warm-up

Ishyirahamwe ry'umupira w'amaguru mu Bufaransa ryatangaje ko impamvu abakinnyi b'ikipe y'abagabo baje kwishyushya bambaye imipira isanzwe y'ambarwa n'abagore , ko biri mu rwego rwo gushyigikira bashiki babo bitegura gukina imikino y'igikombe cy'Isi cyizabera muri Australia na New Zealand hagati ya tariki 20/07 na 20/08 2023.

U Bufaransa buzakina Igikombe cy'Isi buri mu itsinda F aho buri kumwe na Jamaica, Brazil na Panama.