FERWAFA Yatangije Amahugurwa ya FIFA ku Basifuzi Bato bafite Impano mu Rwanda

Rwanda (FERWAFA) ryatangiye kwakira amahugurwa ya FIFA MA Refereeing Course for Young Talents, azamara iminsi itanu kuva tariki ya 6 kugeza ku ya 10 Nyakanga 2025. Aya mahugurwa agamije kuzamura ubumenyi n'ubushobozi bw'abasifuzi bato bagaragaje impano mu gusifura. Aya mahugurwa ayobowe n'umutoza wa FIFA ushinzwe amasomo y'ubusifuzi, Celestin Ntagungira, afatanyije n'umutoza ushinzwe imyitozo ngororamubiri, Hanashi Boubakar. Abitabiriye bazahabwa amasomo yimbitse ku mategeko y'umupira w'amaguru, bakore ibizamini byo gusobanukirwa amategeko (Laws of the Game), imyitozo ngororamubiri ndetse n'a

Rwanda (FERWAFA) ryatangiye kwakira amahugurwa ya FIFA MA Refereeing Course for Young Talents, azamara iminsi itanu kuva tariki ya 6 kugeza ku ya 10 Nyakanga 2025. Aya mahugurwa agamije kuzamura ubumenyi n'ubushobozi bw'abasifuzi bato bagaragaje impano mu gusifura. Aya mahugurwa ayobowe n'umutoza wa FIFA ushinzwe amasomo y'ubusifuzi, Celestin Ntagungira, afatanyije n'umutoza ushinzwe imyitozo ngororamubiri, Hanashi Boubakar. Abitabiriye bazahabwa amasomo yimbitse ku mategeko y'umupira w'amaguru, bakore ibizamini byo gusobanukirwa amategeko (Laws of the Game), imyitozo ngororamubiri ndetse n'amasomo yo gusifura mu kibuga. Perezida wa FERWAFA, Fabrice Shema Ngoga, yasabye uru rubyiruko kugira intego yo kugera kure mu mwuga wo gusifura. Yabakanguriye gukomeza kwiga amategeko ahora avugururwa, kwakira ikoranabuhanga rigezweho nka VAR (Video Assistant Referee) no guharanira kubona impamyabushobozi za CAF na FIFA. Yashimangiye ko urugendo rwo kuba umusifuzi mpuzamahanga rutangirira ku myiteguro myiza, imyitwarire inoze ndetse no gukomeza kwihugura. Aya mahugurwa ni kimwe mu bikorwa FIFA na FERWAFA bikomeje gushyira imbere mu rwego rwo kuzamura urwego rw'ubusifuzi mu Rwanda no gutegura abasifuzi bazashobora gusifura amarushanwa yo ku rwego rwa Afurika n'Isi.