Ikipe y'Igihugu ya Canada yanditse amateka mu Gikombe cy'Isi cya 2026 nyuma yo kugera muri 1/16 cy'irangiza, isezereye Afurika y'Epfo ku ntsinzi y'igitego 1-0 mu mukino wa 1/32 wabereye kuri SoFi Stadium i Los Angeles, mu ijoro ryo ku Cyumweru, tariki ya 28 Kamena 2026. Ni intsinzi y'amateka kuri Canada kuko ari bwo bwa mbere igeze muri iki cyiciro cy'irushanwa rikomeye ku Isi. Wari kandi umukino wahuje amakipe yombi yari ageze bwa mbere mu mikino ya kamarampaka y'Igikombe cy'Isi. Umukino watangiye amakipe yombi akinana ashaka igitego hakiri kare. Afurika y'Epfo yagerageje gukoresha umuvuduk

Ikipe y'Igihugu ya Canada yanditse amateka mu Gikombe cy'Isi cya 2026 nyuma yo kugera muri 1/16 cy'irangiza, isezereye Afurika y'Epfo ku ntsinzi y'igitego 1-0 mu mukino wa 1/32 wabereye kuri SoFi Stadium i Los Angeles, mu ijoro ryo ku Cyumweru, tariki ya 28 Kamena 2026. Ni intsinzi y'amateka kuri Canada kuko ari bwo bwa mbere igeze muri iki cyiciro cy'irushanwa rikomeye ku Isi. Wari kandi umukino wahuje amakipe yombi yari ageze bwa mbere mu mikino ya kamarampaka y'Igikombe cy'Isi. Umukino watangiye amakipe yombi akinana ashaka igitego hakiri kare. Afurika y'Epfo yagerageje gukoresha umuvuduko mu gusatira, mu gihe Canada yagaragazaga ubuhanga bwo kugenzura umukino no gusatirana ubuhanga. Nubwo impande zombi zabonye uburyo bwo gutsinda, ba myugariro n'abanyezamu bitwaye neza, bituma iminota 90 y'umukino irangira amakipe anganya 0-0. Mu gihe benshi bari batangiye kwitegura iminota y'inyongera, Canada yabonye igitego cy'intsinzi ku munota wa 90+2. Stephen Eustáquio yakiriye umupira wari uvuye mu bwugarizi bwa Afurika y'Epfo, awutunganya neza mbere yo kurekura ishoti rikomeye ryekereza mwizamu ry'umunyezamu Ronwen Williams, ahesha ikipe ye intsinzi n'itike ya 1/16 cy'irangiza. Nyuma y'umukino, Umutoza wa Canada, Jesse Marsch, yashimiye abakinnyi be avuga ko bakoze amateka azahora yibukwa mu mupira w'amaguru w'icyo gihugu. Marsch yashimiye by'umwihariko Stephen Eustáquio, avuga ko yishimiye kubona atsinda igitego cy'ingenzi nyuma y'ibihe bikomeye yanyuzemo, birimo kubura nyina mu 2023 na se mu 2024. Ku ruhande rwa Afurika y'Epfo, umutoza Hugo Broos yavuze ko nubwo gusezererwa bibabaje, yishimira ko ikipe ye yabashije kugera mu mikino ya kamarampaka, ibintu byari bimaze igihe bitarabaho. Uyu mutoza w'imyaka 74 yavuze kandi ko iri cyo Gikombe cy'Isi cya nyuma atoje, nubwo ataratangaza niba agiye guhita asezera ku mwuga w'ubutoza. Muri uyu mukino kandi, kapiteni wa Canada, Alphonso Davies, yongeye kugaragara mu kibuga nyuma yo kumara igihe adakina kubera imvune. Yinjiye asimbuye ku munota wa 75, azana imbaraga nshya zafashije ikipe ye gukomeza gusatira kugeza ibonye igitego cy'intsinzi. Canada yahise ikatisha itike ya 1/16 cy'irangiza, aho itegereje guhura n'izatsinda hagati ya Marocco nu Buholandi.

SoFi Stadium i Los Angeles ni yo yakiriye umukino wa 1/32 cy'Igikombe cy'Isi cya 2026 wahuje Canada na Afurika y'Epfo. Yafunguwe muri Nzeri 2020, yakira abafana 70,240, yubatswe utwaye miliyari 5 z'Amadolari ya Amerika, ikaba iri mu stade zihenze kandi zigezweho ku Isi.

A little more informed. A little more connected.