Igikombe cy’Isi 2026: Sweden yihanije Tunisia mu mukino w’ibitego bitandatu(6)

Ikipe y’Igihugu ya Sweden yatangiye neza urugendo rwayo mu Gikombe cy’Isi cya 2026, nyuma yo kunyagira Tunisia ibitego 5-1 mu mukino w’itsinda F wabereye kuri Monterrey Stadium muri Mexique, ku wa 14 Kamena 2026. Uyu mukino wagaragayemo ubuhanga n’imbaraga zidasanzwe z’abasore ba Sweden by’umwihariko Viktor Gyökeres na Alexander Isak, bagize uruhare rukomeye muri uyu mukino. Sweden yafunguye amazamu hakiri kare ku gitego cyatsinzwe na Yasin Ayari ku munota wa 7 w’umukino. Uyu musore yaje no gusoza umukino neza atsinda igitego cya gatanu mu minota y’inyongera (90+6), nyuma yo kugaragaza urweg

Ikipe y’Igihugu ya Sweden yatangiye neza urugendo rwayo mu Gikombe cy’Isi cya 2026, nyuma yo kunyagira Tunisia ibitego 5-1 mu mukino w’itsinda F wabereye kuri Monterrey Stadium muri Mexique, ku wa 14 Kamena 2026. Uyu mukino wagaragayemo ubuhanga n’imbaraga zidasanzwe z’abasore ba Sweden by’umwihariko Viktor Gyökeres na Alexander Isak, bagize uruhare rukomeye muri uyu mukino. Sweden yafunguye amazamu hakiri kare ku gitego cyatsinzwe na Yasin Ayari ku munota wa 7 w’umukino. Uyu musore yaje no gusoza umukino neza atsinda igitego cya gatanu mu minota y’inyongera (90+6), nyuma yo kugaragaza urwego rwo hejuru mu minota yose 90 yakinnye. Alexander Isak yatsinze igitego cya kabiri ku munota wa 30, nyuma yo guhabwa umupira mwiza na Gyökeres wari umaze kuyogoza ubwugarizi bwa Tunisia. Tunisia yagerageje kugaruka mu mukino ku munota wa 43, ubwo Omar Rekik yatsindaga igitego kimwe nyuma y’umupira mwiza yahawe na Hannibal Mejbri, bituma igice cya mbere kirangira ari 2-1. Mu gice cya kabiri, Sweden yagarukanye imbaraga nyinshi n’icyanyuro cyo gushaka intsinzi. Viktor Gyökeres yatsinze igitego cya gatatu ku munota wa 59, nyuma yo kubyaza umusaruro ikosa ry’ubwugarizi bwa Tunisia butari buhagaze neza. Mattias Svanberg, winjiye mu kibuga asimbuye, yongereye ikinyuranyo ku munota wa 84, ashyira intsinzi mu biganza bya Sweden burundu, mbere y’uko Yasin Ayari ashyiramo agashinguracumu. Iyi ntsinzi ikomeye yatumye Suede iyobora itsinda F n’amanota atatu, ikaba yagaragaje imbaraga zishobora kuyigeza kure muri iri rushanwa rihuza amakipe akomeye ku Isi. Alexander Isak ni we watowe nk’umukinnyi w’umukino (Player of the Match) nyuma yo kugaragaza urwego rwo hejuru no gufasha bagenzi be kwitwara neza muri uyu mukino.

Alexander Isak – umukinnyi w’umukino
Yayoboye Sweden mu ntsinzi ikomeye ya 5-1 imbere ya Tunisia mu mukino w’itsinda F mu Gikombe cy’Isi cya 2026.