Ikipe y'igihugu ya basketball igiye gukina imikino ya gicuti

U Rwanda rwitegura amajonjora y’Igikombe cy’Isi cya Basketball binyuze mu mikino ya gicuti itatu Ikipe y’Igihugu y’u Rwanda ya Basketball y’abagabo yatangiye gahunda yo kwitegura amajonjora y’Igikombe cy’Isi cya FIBA 2027 ku mugabane wa Afurika, aho izakina imikino itatu ya gicuti mpuzamahanga izabera muri BK Arena hagati ya tariki ya 23 na 28 Kamena 2026. U Rwanda rutozwa na Yves Murenzi ruzahura na Uganda inshuro ebyiri mbere yo kwisobanura na Sudani y’Epfo, mu rwego rwo gukarishya imyiteguro y’amajonjora ateganyijwe kuva tariki ya 2 kugeza ku ya 5 Nyakanga i Luanda muri Angola. Nk’uko gah

U Rwanda rwitegura amajonjora y’Igikombe cy’Isi cya Basketball binyuze mu mikino ya gicuti itatu Ikipe y’Igihugu y’u Rwanda ya Basketball y’abagabo yatangiye gahunda yo kwitegura amajonjora y’Igikombe cy’Isi cya FIBA 2027 ku mugabane wa Afurika, aho izakina imikino itatu ya gicuti mpuzamahanga izabera muri BK Arena hagati ya tariki ya 23 na 28 Kamena 2026. U Rwanda rutozwa na Yves Murenzi ruzahura na Uganda inshuro ebyiri mbere yo kwisobanura na Sudani y’Epfo, mu rwego rwo gukarishya imyiteguro y’amajonjora ateganyijwe kuva tariki ya 2 kugeza ku ya 5 Nyakanga i Luanda muri Angola. Nk’uko gahunda yatangajwe ibigaragaza, u Rwanda ruzakina na Uganda tariki ya 23 Kamena ndetse rwongere ruhure na yo tariki ya 27 Kamena, mbere yo guhura na Sudani y’Epfo tariki ya 28 Kamena. Aba bakinnyi n’abatoza biteze ko iyi mikino izabafasha kugerageza amayeri mashya, kongera ubwumvikane mu kibuga no kugera mu majonjora bafite icyizere cyo guhatanira itike y’Igikombe cy’Isi cya FIBA 2027.

Ikipe y'igihugu ya basketball izakina imikino itatu ya gicuti