Imikino ibiri ikomeye irakinwa uyu munsi muri Shampiyona ya Basketball

Shampiyona y’Icyiciro cya Mbere muri Basketball mu bagabo irakomeza kuri uyu wa Gatatu, tariki ya 10 Kamena 2026, hakinwa imikino ibiri muri Petit Stade, mu gihe habura amasaha make ngo amakipe amanuke mu kibuga. Umukino ubanza urahuza EAUR BBC na RSSB Tigers BBC guhera saa kumi n’ebyiri z’umugoroba (18:00), mbere y’uko Kepler BBC ikina na UGB BBC saa mbiri n’igice z’ijoro (20:30). Umukino wa EAUR BBC na Tigers BBC ni umukino w’ikirarane wo mu gice kibanza cya shampiyona (First Round), wari wararasubitswe imikino ya makipe yabaye aya mbere iwayo muri Afurika muri Basketball(BAL) Tigers yitab

Shampiyona y’Icyiciro cya Mbere muri Basketball mu bagabo irakomeza kuri uyu wa Gatatu, tariki ya 10 Kamena 2026, hakinwa imikino ibiri muri Petit Stade, mu gihe habura amasaha make ngo amakipe amanuke mu kibuga. Umukino ubanza urahuza EAUR BBC na RSSB Tigers BBC guhera saa kumi n’ebyiri z’umugoroba (18:00), mbere y’uko Kepler BBC ikina na UGB BBC saa mbiri n’igice z’ijoro (20:30). Umukino wa EAUR BBC na Tigers BBC ni umukino w’ikirarane wo mu gice kibanza cya shampiyona (First Round), wari wararasubitswe imikino ya makipe yabaye aya mbere iwayo muri Afurika muri Basketball(BAL) Tigers yitabiriye ikitwara neza ikegukana iki gikombe ku nshuro ya mbere yari yitabiriye. Tigers BBC igiye gusubira mu kibuga nyuma y’igihe kinini idakina umukino wa shampiyona, kuko iheruka gukina tariki ya 17 Mata 2026, ubwo yatsindaga Inspired Generation BBC amanota 95-52. EAUR BBC yo iri mu bihe byiza nyuma yo kwandikisha intsinzi ikomeye mu mukino uheruka, aho yatsinze Inspired Generation BBC amanota 125-60. Aya ni yo manota menshi ikipe imwe imaze gutsinda mu mukino umwe wa shampiyona y’uyu mwaka, ndetse ni na yo ntsinzi irimo ikinyuranyo kinini cy’amanota kugeza ubu. Undi mukino utegerejwe kuri uyu mugoroba ni Kepler BBC na UGB BBC. UGB BBC iri ku mwanya wa gatatu ku rutonde rwa shampiyona n’amanota 18, mu gihe Kepler BBC iri ku mwanya wa karindwi n’amanota 15. Mbere y’iyi mikino, Patriots BBC ni yo iyoboye urutonde rwa shampiyona n’amanota 23, ikurikiwe na REG BBC ifite 21, mu gihe UGB BBC iza ku mwanya wa gatatu n’amanota 18.