Mukura Victory Sports & Loisirs ni yo yasimbuye APR FC muri FERWAFA Super Cup 2026, nyuma y’uko APR FC imenyesheje FERWAFA ko itazitabira iri rushanwa rizahuza amakipe ane. FERWAFA yatangaje iki cyemezo ku wa Kabiri tariki ya 18 Kanama 2026, nyuma y’ibiganiro yagiranye n’amakipe yari ateganyijwe muri iri rushanwa, arimo APR FC, Rayon Sports, Kiyovu Sports na Police FC. APR FC yanze gukomeza muri gahunda y’irushanwa ry’amakipe ane, bituma FERWAFA ihitamo Mukura Victory Sports & Loisirs, ikipe yarangije ku mwanya wa gatanu muri BK Pro League ya 2025/26, kugira ngo iyisimbure. FERWAFA yemeje k

Mukura Victory Sports & Loisirs ni yo yasimbuye APR FC muri FERWAFA Super Cup 2026, nyuma y’uko APR FC imenyesheje FERWAFA ko itazitabira iri rushanwa rizahuza amakipe ane. FERWAFA yatangaje iki cyemezo ku wa Kabiri tariki ya 18 Kanama 2026, nyuma y’ibiganiro yagiranye n’amakipe yari ateganyijwe muri iri rushanwa, arimo APR FC, Rayon Sports, Kiyovu Sports na Police FC. APR FC yanze gukomeza muri gahunda y’irushanwa ry’amakipe ane, bituma FERWAFA ihitamo Mukura Victory Sports & Loisirs, ikipe yarangije ku mwanya wa gatanu muri BK Pro League ya 2025/26, kugira ngo iyisimbure. FERWAFA yemeje ko iri rushanwa rizakomeza nk’uko ryari riteganyijwe, aho amakipe ane azabanza gukina imikino ibiri ya ½ cy’irangiza mbere y’umukino wa nyuma. Imikino ya ½ cy’irangiza Imikino izabera kuri Kigali Pelé Stadium ku wa Kane, tariki ya 27 Kanama 2026: 15:00: Kiyovu Sports 🆚 Mukura Victory Sports & Loisirs 18:30: Rayon Sports 🆚 Police FC Umukino wa nyuma uzaba ku Cyumweru, tariki ya 30 Kanama 2026, guhera saa 15:00, kuri Kigali Pelé Stadium, ahazanatangwa igikombe. FERWAFA kandi yavuze ko amakipe yose azitabira azahabwa amafaranga yo kwitabira iri rushanwa, mu gihe ibihembo by’ikipe izatwara igikombe n’izaba iya kabiri byongerewe agaciro. Andi makuru ku mafaranga y’ibyo bihembo azatangazwa nyuma. FERWAFA Super Cup 2026 izakinwa na Kiyovu Sports, Mukura Victory Sports, Rayon Sports na Police FC.

APR FC yatwaye super cup iheruka yanze gukomeza muri gahunda y’irushanwa ry’amakipe ane ryari ribaye ubwa mbere

A little more informed. A little more connected.