Florentino Pérez yongeye gutorerwa kuyobora ikipe ya Real Madrid kugeza mu 2030, bituma Jose Mourinho atangira guhabwa amahirwe menshi yo gutangazwa nk’umutoza mushya w’iyi kipe mu gihe kiri imbere. Kuri uyu wa Mbere, ni bwo hamenyekanye ibyavuye mu matora y’umuyobozi w’iyi kipe, aho Florentino Pérez w’imyaka 79 y’amavuko yatorewe gukomeza kuyobora iyi kipe ku bwiganze bw’amajwi 65%. Ni amatora yabaye mu buryo budasanzwe, kuko ari bwo bwa mbere mu myaka 20 ishize habonetse undi mukandida uhanganye na Pérez, uyu akaba ari Enrique Riquelme, umushoramari ukomeye mu bijyanye n’ingufu zisubira.

Florentino Pérez yongeye gutorerwa kuyobora ikipe ya Real Madrid kugeza mu 2030, bituma Jose Mourinho atangira guhabwa amahirwe menshi yo gutangazwa nk’umutoza mushya w’iyi kipe mu gihe kiri imbere. Kuri uyu wa Mbere, ni bwo hamenyekanye ibyavuye mu matora y’umuyobozi w’iyi kipe, aho Florentino Pérez w’imyaka 79 y’amavuko yatorewe gukomeza kuyobora iyi kipe ku bwiganze bw’amajwi 65%. Ni amatora yabaye mu buryo budasanzwe, kuko ari bwo bwa mbere mu myaka 20 ishize habonetse undi mukandida uhanganye na Pérez, uyu akaba ari Enrique Riquelme, umushoramari ukomeye mu bijyanye n’ingufu zisubira.

Amakuru ava i Madrid aravuga ko Jose Mourinho w’imyaka 63, yari yarashyize umukono ku masezerano y’imyaka itatu yo gutoza iyi kipe mu kwezi gushize. Gusa, aya masezerano yari akubiyemo ingingo ivuga ko azatangira gukurikizwa gusa ari uko Florentino Pérez yongeye gutorerwa kuyobora Real Madrid. Nyuma yo gutsinda amatora, Pérez yagaragaje ko intego ye ari ugusubiza iyi kipe ku gasongero. Yagize ati: “Twatsinze amatora, kandi tugiye gukomeza gukora kugira ngo dukomeze gutwara ibikombe. Real Madrid izakomeza kuba ikipe y’ubukombe ku rwego rw’Isi.” Pérez ntiyahishe akanyamuneza ko kugarura Mourinho, yise “Umumadridista nyakuri”, amushimagiza nk’umwe mu batoza beza Isi yigeze kugira. Yagaragaje kandi ko ishema ry’iyi kipe rishingiye ku kibuga cyayo kigezweho, Santiago Bernabéu, n’uburyo ikipe ikomeje kwiyubaka. Jose Mourinho agiye kugaruka muri Real Madrid asimbura Álvaro Arbeloa, wari uherutse guhabwa iyi kipe muri Mutarama uyu mwaka, nyuma y’uko Xabi Alonso yari amaze kuyivamo. Izi mpinduka zije zikenewe cyane, dore ko Real Madrid isoje umwaka w’imikino wa 2025-2026 nta gikombe na kimwe itwaye. Ibi byababaje abafana cyane, cyane ko mukeba wayo w’ibihe byose, FC Barcelona, ari yo yegukanye igikombe cya shampiyona (La Liga), ndetse ikaza no gutsinda Real Madrid ibitego 2-0 mu mukino w’ishiraniro wa ‘El Clásico’ ari wo yatwariyeho igikombe. Uyu mutoza wari uherutse gutoza ikipe ya Benfica yo muri Portugal, aho yayifashije gusoza ku mwanya wa gatatu muri shampiyona yaho (Primeira Liga), ntabwo ari mushya muri Real Madrid. Mu gihe cya mbere José Mourinho yatozaga Real Madrid hagati ya 2010 na 2013, yegukanye ibikombe bitatu birimo La Liga, Copa del Rey ndetse na Spanish Super Cup. Biteganyijwe ko mu minsi ya vuba, Real Madrid iza gutangaza ku mugaragaro José Mourinho nk’umutoza mushya.

A little more informed. A little more connected.