Ikipe ya Manchester United F.C. yatangaje ko yabonye igice kinini cy’ubutaka kizubakwaho sitade yayo nshya izajya yakira abafana bagera ku 100,000, bikaba ari intambwe ikomeye mu mushinga wo kuvugurura Old Trafford. Iyi sitade nshya izaba imwe mu mishinga ikomeye mu mateka y’iyi kipe, ndetse ikazaba ari yo nini kurusha izindi mu Bwongereza. Manchester United ivuga ko izaba igamije guhindura Old Trafford ikaba igicumbi mpuzamahanga cy’imikino, imyidagaduro n’ubucuruzi. Ubutaka iyi kipe yabonye bufite ubuso bungana na hegitari 25, bukaba buri hafi ya metero 350 mu majyaruguru ashyira uburenger

Ikipe ya Manchester United F.C. yatangaje ko yabonye igice kinini cy’ubutaka kizubakwaho sitade yayo nshya izajya yakira abafana bagera ku 100,000, bikaba ari intambwe ikomeye mu mushinga wo kuvugurura Old Trafford. Iyi sitade nshya izaba imwe mu mishinga ikomeye mu mateka y’iyi kipe, ndetse ikazaba ari yo nini kurusha izindi mu Bwongereza. Manchester United ivuga ko izaba igamije guhindura Old Trafford ikaba igicumbi mpuzamahanga cy’imikino, imyidagaduro n’ubucuruzi. Ubutaka iyi kipe yabonye bufite ubuso bungana na hegitari 25, bukaba buri hafi ya metero 350 mu majyaruguru ashyira uburengerazuba bwa sitade ya Old Trafford isanzwe. Ubu buso bwari busanzwe bukorerwamo ibikorwa by’inganda kandi bwari bufite na sosiyete Indurent iri mu bigize Blackstone portfolio. Manchester United yatangaje ko izakorana n’abakorera kuri ubwo butaka kugira ngo ibafashe kwimuka neza mu gihe ibikorwa byo gutegura kubaka sitade nshya bizaba bitangiye. Umuyobozi ushinzwe iterambere ry’umushinga wa sitade nshya, Collette Roche, yavuze ko kubona ubu butaka ari intambwe ikomeye mu rugendo rwo kubaka “urugo rushya” rw’iyi kipe. Uyu mushinga uzajyana kandi no kuvugurura igice kinini cy’agace ka Old Trafford gifite ubuso bwa hegitari 370. Biteganyijwe ko hazubakwa amazu mashya agera ku 15,000, harimo n’azagenewe abantu bafite ubushobozi buke, ndetse hakazanakorwa imirimo mishya ibihumbi. Manchester United ikomeje gukorana na Trafford Council ndetse na Old Trafford Regeneration Mayoral Development Corporation kugira ngo uyu mushinga wose uzajye uhuzwa n’igenamigambi ryo kuvugurura aka gace. Andi makuru arambuye ku bijyanye n’igishushanyo cya sitade n’imyubakire yayo ateganyijwe gutangazwa ku wa 9 Nyakanga, ubwo gahunda yo kugisha inama abaturage n’abandi bafatanyabikorwa izatangira. Sitade nshya ya Manchester United iteganyijwe kuba ikimenyetso cy’icyerekezo gishya cy’iyi kipe, ariko ikazomeza kubungabunga amateka n’umurage w’imyaka myinshi byubatse izina rya Old Trafford.

A little more informed. A little more connected.