Ikipe y’Igihugu ya Mexico yatangiye neza Igikombe cy’Isi cya 2026, itsinda Afurika y’Epfo ibitego 2-0 mu mukino wo gufungura iri rushanwa wabereye kuri Stade Azteca. Iyi ntsinzi yahesheje Mexico amanota atatu(3) ya mbere imbere y’abafana bayo, itanga n’ikimenyetso cyiza cy’uko yiteguye guhatana. Mexico yafunguye amazamu hakiri kare ku munota wa cyenda(9), igitego cya tsinzwe na Julián Quiñones, bituma ijya kuruhuka iyoboye umukino n'igitego 1-0. Mu gice cya kabiri(2), Afurika y’Epfo yarushijeho kugorwa n’uyu mukino nyuma y’uko Sphephelo Sithole ahawe ikarita itukura ku munota wa 50, asiga ba

Ikipe y’Igihugu ya Mexico yatangiye neza Igikombe cy’Isi cya 2026, itsinda Afurika y’Epfo ibitego 2-0 mu mukino wo gufungura iri rushanwa wabereye kuri Stade Azteca. Iyi ntsinzi yahesheje Mexico amanota atatu(3) ya mbere imbere y’abafana bayo, itanga n’ikimenyetso cyiza cy’uko yiteguye guhatana. Mexico yafunguye amazamu hakiri kare ku munota wa cyenda(9), igitego cya tsinzwe na Julián Quiñones, bituma ijya kuruhuka iyoboye umukino n'igitego 1-0. Mu gice cya kabiri(2), Afurika y’Epfo yarushijeho kugorwa n’uyu mukino nyuma y’uko Sphephelo Sithole ahawe ikarita itukura ku munota wa 50, asiga bagenzi be bakina ari abakinnyi 10. Raúl Jiménez yaje gushimangira intsinzi ya Mexico ku munota wa 67 atsinda igitego cya kabiri, mbere y’uko Themba Zwane na we ahabwa ikarita itukura ku munota wa 84, bituma Afurika y’Epfo isigarana abakinnyi icyenda(9). Mu minota y’inyongera, César Montes wa Mexico na we yahawe ikarita itukura, ariko ntibyabujije iyi kipe gusoza umukino yegukanye amanota atatu(3) ya mbere. Ni intangiriro nziza ku gihugu cya Mexico kiri mu byakiriye Igikombe cy’Isi cya 2026, mu gihe Afurika y’Epfo isabwa kwikosora mu mikino iri imbere kugira ngo igire amahirwe yo gukomeza mu cyiciro gikurikira.

A little more informed. A little more connected.