Ikipe ya New York Knicks yegereje cyane kwegukana igikombe cya NBA cya mbere kuva mu 1973 nyuma yo gutsinda San Antonio Spurs amanota 107-106 mu mukino wa kane wa NBA Finals wabaye mu rukerera rwo kuri uyu wa Kane muri Madison Square Garden. Uyu mukino wanditse amateka mashya muri NBA, kuko Knicks yavuye inyuma ku kinyuranyo cy'amanota 29 mbere yo kwegukana intsinzi itangaje. San Antonio Spurs yatangiye umukino neza, iyobora amanota 41-22 mu gace ka mbere ndetse irangiza igice cya mbere ifite ikinyuranyo cy'amanota 27. Mu gace ka gatatu, Spurs yanagejeje ikinyuranyo ku manota 29, ibintu byas

Ikipe ya New York Knicks yegereje cyane kwegukana igikombe cya NBA cya mbere kuva mu 1973 nyuma yo gutsinda San Antonio Spurs amanota 107-106 mu mukino wa kane wa NBA Finals wabaye mu rukerera rwo kuri uyu wa Kane muri Madison Square Garden. Uyu mukino wanditse amateka mashya muri NBA, kuko Knicks yavuye inyuma ku kinyuranyo cy'amanota 29 mbere yo kwegukana intsinzi itangaje. San Antonio Spurs yatangiye umukino neza, iyobora amanota 41-22 mu gace ka mbere ndetse irangiza igice cya mbere ifite ikinyuranyo cy'amanota 27. Mu gace ka gatatu, Spurs yanagejeje ikinyuranyo ku manota 29, ibintu byasaga nk'aho byashyize iherezo ku cyizere cya Knicks. Knicks ntiyacitse intege, Iyobowe na Jalen Brunson watsinze amanota 36 na OG Anunoby watsinze amanota 33, yatangiye kugabanya ikinyuranyo buhoro buhoro mbere yo kwigaranzura umukino mu gace ka nyuma. Mu masegonda ya nyuma y'umukino, OG Anunoby yabaye intwari ya Knicks atsinda amanota y'intsinzi habura amasegonda 1.2 ngo umukino urangire, bituma ikipe ye itsinda Spurs 107-106 inafata umwanya mwiza wo kuyobora uruhererekane ku ntsinzi 3-1. Umutoza wa Knicks, Mike Brown, yavuze ko uwo mupira ushobora kuba umwe mu y'ingenzi yabayeho mu mateka ya basketball y'i New York. Ati: “Birashoboka ko ari cyo gitego gikomeye kurusha ibindi mu mateka ya basketball y'i New York.” Victor Wembanyama wa Spurs yasoje umukino afite amanota 24 na rebounds 13, ariko ntiyabashije gufasha ikipe ye gukomeza kugenzura umukino mu gice cya kabiri, aho Spurs yatsinzemo amanota 30 gusa mu gihe Knicks yatsinzemo 58. Dylan Harper yatsinze amanota 21, mu gihe De'Aaron Fox na Devin Vassell buri umwe yasoje afite amanota 18 ku ruhande rwa Spurs.

Nyuma y'iyi ntsinzi, Knicks isigaje intsinzi imwe gusa kugira ngo yegukane igikombe cya NBA. Umukino wa gatanu uteganyijwe ku Cyumweru i San Antonio, aho Spurs izaba ishaka kugabanya ikinyuranyo no gukomeza kwizera gutwara uru ruhererekane. Mu mateka ya NBA Finals, ikipe imwe gusa ni yo yigeze gukuraho umwenda wa 3-1 ikaza kwegukana igikombe, ari yo Cleveland Cavaliers yabikoze mu 2016 Knicks ubu iri ku muryango wo kongera kwandika amateka, kuko isigaje intsinzi imwe gusa kugira ngo yegukane igikombe cya NBA bwa mbere nyuma y'imyaka 53.

A little more informed. A little more connected.