Ikipe ya San Antonio Spurs yageze ku mukino wa nyuma wa Shampiyona ya Basketball muri Leta Zunze Ubumwe za Amerika (NBA), nyuma yo guhigika Oklahoma City Thunder mu mukino wa karindwi w’amateka w’Agace k’Uburengerazuba (Western Conference Finals). Mu mukino w’ishiraniro wabaye mu ijoro ryo ku wa Gatandatu rishira ku Cyumweru, Spurs yatsinze Thunder amanota 111-103, bituma yegukana intsinzi y’uru rukurikirane rw’imikino ku ntsinzi 4-3, ihita ikatisha itike yo guhatanira igikombe cya NBA ku nshuro ya mbere kuva mu 2014. Umunya-Faransa Victor Wembanyama yongeye kwerekana ko ari we nkingi ya mwa

Ikipe ya San Antonio Spurs yageze ku mukino wa nyuma wa Shampiyona ya Basketball muri Leta Zunze Ubumwe za Amerika (NBA), nyuma yo guhigika Oklahoma City Thunder mu mukino wa karindwi w’amateka w’Agace k’Uburengerazuba (Western Conference Finals). Mu mukino w’ishiraniro wabaye mu ijoro ryo ku wa Gatandatu rishira ku Cyumweru, Spurs yatsinze Thunder amanota 111-103, bituma yegukana intsinzi y’uru rukurikirane rw’imikino ku ntsinzi 4-3, ihita ikatisha itike yo guhatanira igikombe cya NBA ku nshuro ya mbere kuva mu 2014. Umunya-Faransa Victor Wembanyama yongeye kwerekana ko ari we nkingi ya mwamba muri Spurs, aho muri uyu mukino wa karindwi yatsinze amanota 22 akora n’ingarura-mipira (rebounds) zirindwi(7). Imikinire yuyu musore w’imyaka 22 yagaragaje muri iyi mikino ya ‘Playoffs’, yatumye atorwa nk’umukinnyi mwiza w’imikino ya nyuma mu Burengerazuba (Western Conference Finals MVP). Wembanyama yasoje uru rukurikirane rw’imikino afite imibare itangaje, aho yagize impuzandengo y’amanota 27.3 na rebounds 10.9 kuri buri mukino. By’umwihariko, muri buri mukino Spurs yakinnye na Thunder, uyu musore ntiyigeze ajya munsi y’amanota 20. Nyuma yo guhabwa igihembo cy’umukinnyi mwiza, Wembanyama yavuze ko intego ye ari ukwegukana igikombe cya Larry O’Brien. Yagize ati: “Kwegukana igikombe cya NBA ni inzozi nahoze ntekereza kuva nkiri muto. Kuba ubu mfite amahirwe  yo kubigeraho ni ikintu gikomeye cyane mu buzima bwanjye. Intego ni imwe; ni igikombe.” Ku rundi ruhande, Oklahoma City Thunder yagerageje kurwana na Spurs kugeza ku munota wa nyuma. Shai Gilgeous-Alexander yatsinze amanota 35 anatanga imipira icyenda ivamo amanota (assists), ariko ntibyabasha gukuraho ikinyuranyo Spurs yari yashyizeho kuva mu gace ka mbere k’umukino. Spurs yayoboye umukino hafi ya wose, ndetse hasigaye iminota ine ngo umukino urangire yari imbere n’ikinyuranyo cy’amanota 12. Nubwo Thunder yagerageje kugaruka mu minota ya nyuma, Spurs yerekanye ubunararibonye mu kugarira, bituma yegukana intsinzi. San Antonio Spurs izahura na New York Knicks ku mukino wa nyuma wa NBA 2026. Knicks yo yageze ku mukino wa nyuma, yitwaye neza imbere ya makipe yo mu burasirazuba.  

A little more informed. A little more connected.